ثناء میر کو ویمن کرکٹ میں عنقریب اعلیٰ عہدہ ملنے کا امکان

سیدہ نادرہ مشتاق

11th Jun, 2020. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ثناء میر کو ویمن کرکٹ میں عنقریب اعلیٰ عہدہ ملنے کا امکان

پاکستان ویمن کرکٹ ٹیم کی سابق کپتان ثناء میر کو ویمن کرکٹ میں عنقریب اعلیٰ عہدہ ملنے کا امکان ہے۔

تفصیلات کے مطابق پاکستان کرکٹ بورڈ ( پی سی بی )صحیح سمت پر گامزن ہے ۔ انتظامی ڈھانچے میں ثقلین مشتاق، یونس خان اور مشتاق احمد کو شامل کر کے بورڈ نے مثبت فیصلے کیے ہیں۔اس سلسلے کو جاری رکھتے ہوئے ویمنز کرکٹ میں بھی اہم تقرری متوقع ہے۔

یونس خان کو قومی کرکٹ ٹیم کا بیٹنگ کوچ تعینات کیے جانے کے بعد اب ثناء میر کو ویمن کرکٹ میں اعلیٰ عہدہ ملنے کا امکان ہے۔

ذرائع کا کہنا ہے کہ ویمنز ٹیم کی سابق کپتان ثناء میر کو خواتین کرکٹ کے لیےلانے کی تیاری آخری مراحل میں ہے،چند معاملات پراتفاق رائے ہوچکا ہے۔ ثنا میر کو اہم ذمہ داری سونپی جارہی ہے۔

ثناء میر پہلے ہی اپنے انٹرویو میں اشارہ دے چکی ہیں کہ کرکٹ ان کا پہلا پیار ہے اور وہ اس کی طرف لوٹنے والی ہیں۔

واضح رہے کہ عروج ممتاز بطور ویمن ونگ کی عبوری ہیڈ کے طور پر کام کر رہی ہیں جبکہ عائشہ اشعر جنرل مینیجر کی حیثیت سے اپنی ذمہ داریاں سنبھالے ہوئے ہیں۔

دوسری جانب ہائی پرفارمنس سنٹر میں بالرز اور بیٹسمینوں کی کوچنگ کے لیے سینئرز سے بات چیت جاری ہے۔