ایشین کرکٹ کونسل ( ا ے سی سی) نے ایشیاء کپ 2020 ملتوی کرنے کا اعلان کردیا۔
تفصیلات کے مطابق ایشین کرکٹ کونسل کے ایگزیکٹو بورڈ کی میٹنگ میں کورونا وائرس کی وباء کے سبب رواں برس ستمبر میں شیڈول ایشیاء کپ کو ملتوی کرنے کا فیصلہ کیا گیا ۔ایشیاء کپ 2020 کی میزبانی پاکستان نے کرنی تھی۔
ایک بیان میں اے سی سی نے کہا کہ شروع سے ہی بورڈ اصلی شیڈول کے مطابق ٹورنامنٹ کے انعقاد کا خواہشمند تھا۔تاہم ، سفری پابندیاں ، بنیادی صحت کے خطرات اور معاشرتی دوری کے اصولوں کے ساتھ ایشیا ءکپ کا انعقاد کافی مشکل ہوتا۔
https://twitter.com/ACCMedia1/status/1281210026397298689
سب سے بڑھ کر ، حصہ لینے والے کھلاڑیوں ، معاون عملہ ، تجارتی شراکت داروں ، شائقین اور کرکٹنگ کمیونٹی کی صحت اور حفاظت سے متعلق خطرات کو اہم سمجھا جاتا ہے۔
Advertisement
تمام بورڈ زنے مذکورہ بالا تمام عوامل پر غور کرنے کے بعد طے کیا ہے کہ ایشیا ءکپ 2020 ملتوی کیا جائے۔
ذمہ دارانہ انداز میں ایونٹ کا انعقاد کرنا اے سی سی کی ترجیح ہے۔ امید ہے کہ ٹورنامنٹ 2021 میں ہوگا۔ اے سی سی فی الحال اس کے لیے ایک مناسب ونڈو کے طور پر جون 2021 کو حاصل کرنے کی کوشش کر رہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
