پی سی بی کا کرکٹ کی سرگرمیوں کی مرحلہ وار اور محتاط بحالی کا اعلان

اعجاز وسیم باکھری

01st Sep, 2020. 04:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی سی بی کا کرکٹ کی سرگرمیوں کی مرحلہ وار اور محتاط بحالی کا اعلان

پاکستان کرکٹ بورڈ( پی سی بی )نے کرکٹ کی سرگرمیوں کی مرحلہ وار اور محتاط بحالی کا اعلان کردیا۔

تفصیلات کے مطابق پی سی بی نے ہائی پرفارمنس سینٹر کی سہولیات کے بتدریج استعمال سے متعلق فریم ورک تیار کرلیا ہے۔

ترجمان پی سی بی کا کہنا ہے کہ فی الحال ایچ گروپس، مینز اور ویمنز کرکٹ میں پاکستان کی نمائندگی کرنے والے موجودہ کرکٹرز کے لیے سہولیات کھول رہے۔

جن کھلاڑیوں کا ری ہیب جاری ہے وہ بھی پی سی بی کی سہولیات استعمال کرسکتے ہیں۔ایس او پیز کے مطابق اہل کرکٹرز کو سہولیات کے استعمال سے قبل پیشگی اجازت لینا ہوگی۔

پی سی بی نے تفریحی کرکٹ کے منتظمین اور کھلاڑیوں سے کورونا وائرس پروٹوکولز پر مکمل عملدرآمد کی درخواست کی ہے۔

ڈائریکٹر ہائی پرفارمنس سینٹر ندیم خان کا کہنا ہے کہ صورتحال کا مسلسل جائزہ لے رہے ہیں، مستقبل قریب میں مزید کھلاڑیوں کے لیے بھی دروازے کھولیں گے۔

ندیم خان نے مزید کہا کہ تفریحی کرکٹ ہمارے کنٹرول میں نہیں ہے مگر اس کے منتظمین اور شرکاء سے کورونا وائرس کے پروٹوکولز پر عملدرآمد کی درخواست ہے۔

انہوں نے کہا کہ کورونا وائرس کے پروٹوکولز پر عمل کرنا خود ان کے اور کھیل کے لیے ضروری ہے۔