پاکستان سپر لیگ (پی ایس ایل) کے  بقیہ میچز  کے لیے غیر ملکی کھلاڑیوں کا اعلان کردیا  گیا۔

تفصیلات کے مطابق پاکستان سپر لیگ (پی ایس ایل) کے پانچویں  ایڈیشن کے بقیہ چار میچز میں 21 غیرملکی کھلاڑی شرکت کریں گے۔

جنوبی افریقی کھلاڑی  فاف ڈوپلیسی پہلی مرتبہ پی ایس ایل کا حصہ بنیں گے۔

https://twitter.com/thePSLt20/status/1323241858647117824

21 غیر ملکی کھلاڑیوں میں جنوبی افریقہ کے 7، انگلینڈ کے 6  ،  ویسٹ انڈیز کے 4، بنگلہ دیش کے 2 جبکہ آسٹریلیا اور نیوز ی لینڈ کے ایک ایک کھلاڑی شامل ہیں۔

جنوبی افریقی کھلاڑی فاف ڈوپلیسی  ویسٹ انڈین کیرون پولارڈ کی جگہ پشاور زلمی کی نمائندگی کریں گے جبکہ   بنگلہ دیش کے تمیم اقبال لاہور قلندرز اور محمود اللہ ملتان سلطانز کی نمائندگی  کریں گے۔

جنوبی افریقہ کے کیمرون ڈیلپورٹ کراچی کنگز ،ڈین ویلاز  اور  ڈیوڈ ویزے لاہور قلندرز ، رائیلی روسواور عمران طاہر ملتان سلطانز  کی نمائندگی  کریں گے۔

انگلینڈ کے ایلکس ہیلز کراچی کنگز اورجیمز ونس ملتان سلطان کی نمائندگی  کریں گے ۔

ہارڈس ولیجوئن پشاور زلمی، سمیت پٹیل لاہور قلندرز، ایڈم لیتھ اور  روی بوپارہ ملتان سلطانز کی نمائندگی  کریں گے ۔

لیام لیونگ اسٹون پشاور زلمی، چیڈوک والٹن اور روتھرفورڈ کراچی کنگزکی طرف سے کھیلیں گے جبکہ   کارلو س بریتھ ویٹ اور ڈیرن سیمی پشاور زلمی کی نمائندگی کریں گے۔

 آسٹریلیا کے بین ڈنک لاہور قلندرز اور نیوزی لینڈ کے مچل میکلینگھن کراچی کنگز کی نمائندگی  کریں گے۔

ایونٹ کے پلے آف میچز 14، 15 اور 17 نومبر کو کراچی میں کھیلے جائیں گے۔