نیوزی لینڈ نے پاکستان کے خلاف پہلے ٹیسٹ میچ کے پہلے دن کے کھیل کے اختتام تک 3 وکٹوں کے نقصان پر 222 رنز بنالیے۔

ماؤنٹ میگنوئی میں پاکستان نے ٹاس جیت کر پہلے بالنگ کرنے کا فیصلہ کیا تو شاہین شاہ آفریدی نے پہلے ہی اوور میں 4 رنز پر ٹام لیتھم (4)کی وکٹ حاصل کرکے جارحانہ آغاز کیا۔

13 کے مجموعی اسکور پر ٹام بلنڈیل کو بھی شاہین شاہ آفریدی نے پویلین واپس بھیج دیا۔ تاہم 19 کے انفرادی اسکور پر کیچ ڈراپ کیے جانے کے بعد کیوی کپتان کین ولیمسن نے روس ٹیلر  کے ہمراہ تیسری وکٹ پر 120 رنز کی شراکت قائم کی۔

روس ٹیلر 70 رنز بناکر شاہین شاہ آفریدی کا تیسرا شکار بنے۔اس کے بعد محمد عباس نے نسیم شاہ کی گیند پر ہینری نکلز کا ایک کے انفرادی اسکور پر آسان  کیچ ڈراپ کردیا  ۔دن  کے اختتامی مراحل میں حارث سہیل نے کین ولیمسن کا ایک اور کیچ ڈراپ کردیا۔

Advertisement

Stumps in Mount Maunganui!#NZvPAK Scorecard ➡️https://t.co/Vp4x6ANipF#HarHaalMainCricket | #BackTheBoysInGreen pic.twitter.com/58hnBdVTBD

— Pakistan Cricket (@TheRealPCB) December 26, 2020

دن کے اختتام کین ولیمسن 94 اور ہینری نکلز 42 رنز پر کریز موجود ہیں۔

قومی فاسٹ بالر شاہین شاہ آفریدی کا کہنا ہے کہ  ہم نے نئی گیند کے ساتھ نیوزی لینڈ پر دباؤ ڈالنے کی کوشش کی تاہم  ہمیں فیلڈنگ میں بہتری لانے کی ضرورت ہے۔

انہوں نے کہا کہ ابھی گیند نیا ہے، کوشش کریں گے کہ کل جلدی وکٹیں حاصل کرسکیں۔جو غلطیاں آج ہوئیں کل انہیں نہیں دہرائیں گے۔

شاہین شاہ آفریدی نے مزید کہا کہ   نیوزی لینڈ کے بلے باز ان کنڈیشنز سے واقف ہیں۔  کین ولیمسن نے بہت اچھی بیٹنگ کی ہے۔