پاکستان سپر لیگ کے چھٹے ایڈیشن کے لیے سے تمام فرنچائز ز کی جانب سے ری ٹین کیے گئے کھلاڑیوں کی فہرست جاری کر دی گئی۔

تفصیلات کے مطابق  پاکستان کرکٹ بورڈ(پی سی بی) نے پاکستان سپر لیگ کے چھٹے ایڈیشن  کے لیے تمام  فرنچائزز کی جانب سے کھلاڑیوں کی ری ٹینشن فہرست جاری کر دی ہے۔

پی ایس ایل  کے چھٹے ایڈیشن کی ڈرافٹنگ تقریب کل لاہور میں ہو گی ۔

Retention List: @lahoreqalandars #HBLPSLDraft pic.twitter.com/9N0Av4Dcrz

— PakistanSuperLeague (@thePSLt20) January 9, 2021

دفاعی چیمپئن کراچی کنگز نے پلاٹینم میں بابراعظم، محمد عامر، کولن انگرام، ڈائمنڈ میں عماد وسیم، گولڈ میں عامر یامین، شرجیل خان، سلور میں وقاص مقصود اور ایمرجنگ میں ارشد اقبال کو ری ٹین کیا ہے۔

کراچی کنگز نے کیمرون ڈیلپورٹ، چیڈویک والٹن، کرس جارڈن، افتخار احمد، محمد رضوان ، عمر خان اور اسامہ میر کو ریلیز کیا ہے۔

لاہور قلندرز نے پلاٹینم میں محمد حفیظ، شاہین شاہ آفریدی، ڈائمنڈ میں فخر زمان ،ڈیوڈ ویسا، حارث رؤف، گولڈ میں بین ڈنک اور دلبر حسین جبکہ سلور میں سہیل اختر کو ری ٹین کیا ہے۔

لاہور قلندرز نے عابد علی، کرس لین، ڈین ویلاز، سلمان بٹ، سلمان ارشاد، سمت  پٹیل اور عثمان شنواری کو ریلیز کیا ہے۔

Retention List: @PeshawarZalmi #HBLPSLDraft pic.twitter.com/bmFicevhel

— PakistanSuperLeague (@thePSLt20) January 9, 2021

ملتان سلطانز نے پلاٹینم میں شاہد آفریدی اور رائلی روسو، ڈائمنڈ میں سہیل تنویر ،عمران طاہر ،خوشدل شاہ جبکہ گولڈ میں جیمز ونس، شان مسعود اور عثمان قادر کو برقرار رکھا ہے۔

ملتان سلطانز نے اسد شفیق، بلاول بھٹی، جنید خان، محمد عرفان، روحیل نذیر ، روی بوپارا، معین علی اور ذیشان اشرف کو ریلیز کر دیا ہے۔

پشاور زلمی نے 5 کھلاڑیوں کو ری ٹین کیا جن میں پلاٹینم میں وہاب ریاض، شعیب ملک، ڈائمنڈ میں کامران اکمل اور  گولڈ میں لیام لیونگ اسٹون اور حیدر  علی شامل ہیں۔

 پشاور زلمی نے حسن علی، امام الحق،کارلوس بریتھویٹ، راحت علی، یاسر شاہ اور کیرون پولارڈ کو ریلیز کیا ہے۔

Retention List: @IsbUnited #HBLPSLDraft pic.twitter.com/ssgG8yQe7w

— PakistanSuperLeague (@thePSLt20) January 9, 2021

کوئٹہ گلیڈی ایٹرز نے پلاٹینم میں سرفراز احمد، ڈائمنڈ میں بین کٹنگ، محمد حسنین ،محمد نواز، گولڈ میں اعظم خان ،نسیم شاہ جبکہ سلور میں زاہد محمود اور انور علی کو ری ٹین کیا ہے۔

کوئٹہ گلیڈی ایٹرز نے احمد شہزاد، عمر اکمل، فواد احمد، جیسن روئے، خرم منظور ، سہیل خان اور کیمو پاؤل کو ریلیز کیا ہے۔

اسلام آباد یونائیٹڈ کے پلاٹینم میں شاداب خان، ایلیکس ہیلز، ڈائمنڈ میں کولن منرو فہیم اشرف، گولڈ میں حسین طلعت، آصف علی جبکہ سلور میں موسیٰ خان اور ظفر گوہر شامل ہیں۔

اسلام آباد یونائیٹڈ نے ڈیل اسٹین، لیوک رونکی، فل سالٹ اور رومان رئیس کو ریلیز کردیا ہے ۔

کراچی کنگرز اور اسلام آباد یونائیٹڈ کے درمیان واحد ٹریڈ ہوئی ہے جس میں ایلکس ہیلز اسلام آباد اور کولن انگرام کراچی کنگرز میں چلے گئے۔