پاکستان سپر لیگ 6 کے 11 ویں میچ میں لاہور قلندرز نے کراچی کنگز کیخلاف کامیابی حاصل کر لی ہے۔

تفصیلات کے مطابق پاکستان سپر لیگ 6 کے 11 ویں میچ میں لاہور قلندرز نے کراچی کنگز کو 6 وکٹوں سے شکست دی۔

مزید پڑھیں

پی ایس ایل 6، لاہور قلندرز کا کراچی کنگز کیخلاف ٹاس جیت کر فیلڈنگ کا فیصلہ

پاکستان سپر لیگ 6 کے 11 ویں میچ میں لاہور قلندرز نے...

پاک چین مشترکہ فوجی مشق کا انعقاد

چین اور پاکستان ایک ماہ تک مشترکہ فوجی مشق کا انعقاد کریں...

پاکستان سپر لیگ ( پی ایس ایل) کے چھٹے ایڈیشن کا گیارہواں میچ کراچی کے نیشنل اسٹیڈیم میں کھیلا گیا۔

کراچی کنگز نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 186 رنز بنائے جس پر لاہور قلندرز نے 187 رنز کا ہدف 4 وکٹوں کے نقصان پر 19 ویں اوور میں پورا کرلیا۔

لاہور کی اننگز

ہدف کے تعاقب میں لاہور کی اننگز کا آغاز مایوس کن رہا اور پہلے ہی اوور میں کپتان سہیل اختر  بغیر کوئی رن بنائے آؤٹ ہوگئے جب کہ اگلی ہی گیند پر عامر نے جو ڈینلی کو کلین بولڈ کردیا۔

33 کے مجموعی اسکور پر حفیظ بھی وقاص مقصود کا شکار ہوگئے، انہوں نے 15 رنز بنائے۔

3 وکٹیں گرنے کے بعد فخر زمان اور بین ڈنک نے ذمہ دارانہ اننگز کھیلی اور ٹیم کو 119 رنز کی قیمتی شراکت فراہم کی۔

152 کے اسکور پر فخر کرسٹیان کی گیند پر کیچ آؤٹ ہوگئے، انہوں نے 54 گیندوں پر 83 رنز کی شاندار اننگز کھیلی۔

ان کے بعد آنے والے ڈیوڈ ویزے نے جارحانہ انداز میں کھیلتے ہوئے 9 گیندوں پر 31 رنز بناڈالے اور ٹیم کو فتح دلوادی جب کہ دوسری جانب بین ڈنک نے بھی 57 رنز کی ناقابل شکست اننگز کھیلی۔

 کراچی کنگز کی جانب سے محمد عامر، وقاص مقصود اور کرسٹیان نے ایک، ایک وکٹ حاصل کی۔

 شاہین شاہ آفریدی کو بہترین بولنگ پر  میچ کے بہترین کھلاڑی کا ایوارڈ دیا گیا۔

کراچی کی اننگز

کراچی کے بلے بازوں نے اننگز کا آغاز محتاط انداز میں کیا  تاہم بابراعظم تیسرے اوور میں 5 رنز بنا کر شاہین آفریدی کی گیند پر بولڈ ہوگئے۔

37کے مجموعی اسکور پر جو کلارک کو حارث رؤوف نے رن آؤٹ کردیا، جب کہ اگلی ہی گیند پرکولنگ انگرام کو احمد دانیال نے صفر پر بولڈ کردیا۔

اس موقع پر شرجیل خان نے اپنی جارحانہ اننگز کا سلسلہ جاری رکھا تاہم وہ بھی 113 کے مجموعی اسکور پر آؤٹ ہوگئے، شرجیل نے 6 چھکوں اور 5 چوکوں کی مدد سے 39 گیندوں پر 64 رنز بنائے۔

 محمد نبی نے بھی شاندار بلے بازی کا مظاہرہ کیا اور 35 گیندوں پر 57 رنز کی اننگز کھیلی اور حارث رؤوف کا شکار بنے۔

کراچی کنگز نے 20 اوورز کے اختتام پر 9 وکٹوں کے نقصان پر 186 رنز بنائے۔

لاہور کی جانب سے شاہین آفریدی نے 3 کھلاڑیوں کو آؤٹ کیا جب کہ  احمد دانیال، حارث رؤوف، ڈیوڈ ویزے اور سمت پٹیل نے ایک، ایک وکٹ حاصل کی۔

واضح رہے کہ پی ایس ایل کے گزشتہ سیزن میں کراچی کنگز نے لاہور قلندرز کو شکست دے کر پانچواں ٹائٹل اپنے نام کیا تھا۔