قومی کرکٹ ٹیم کے کپتان بابر اعظم کا کہنا ہے کہ  ہم جنوبی افریقہ صرف جیت  کے لیے آئے ہیں۔

جنوبی افریقہ سیریز کے آغاز سے قبل ورچوئل پریس کانفرنس کرتے ہوئے  پاکستانی کپتان بابراعظم  کا کہنا تھا کہ   جنوبی افریقہ اپنے ہوم گراؤنڈز پر مضبوط ٹیم ہے،مجھے بالنگ پر مکمل اعتماد ہے، ہمارے بالر جتوائیں گے۔

بابر اعظم نے کہا کہ  ہم لوگ مارڈن کرکٹ کے ساتھ خود کو ایڈجسٹ کرچکے ہیں،کوشش یہی ہوگی کہ ٹاپ آرڈر اچھا آغاز کرے،اچھا آغاز ملے گا تو 300 سے 350 تک اسکور کرسکیں گے۔

انہوں نے کہا کہ  ورلڈ کپ کوالیفائر کی وجہ سے یہ تین ون ڈے میچز جیتنا ضروری ہے۔ کل پہلے ون ڈے میچ میں جو بہتر ہوگا اسے موقع دیا جائے گا۔

قومی کپتان نے کہا کہ  فخر زمان اور محمد رضوان کی کارکردگی میں نمایاں بہتری آئی ہے۔   فخرزمان کا سٹرائیک ریٹ اچھا ہے۔  جتنی زیادہ آپ کرکٹ کھیلیں گے اس سے زیادہ تجربہ آتا ہے۔

بابر اعظم کا کہنا تھا کہ    پاور ہٹنگ کے حوالے سے پوری پلاننگ کررہےہیں۔  ہمیں زیادہ سے زیادہ اسٹرائیک تبدیل کرنا ہوگی۔  بالنگ یا بیٹنگ جو بھی پہلے آئی کوشش ہوگی اچھا کھیلیں۔

انہوں نے کہا کہ  پہلے میچ کے لیے تمام کھلاڑی دستاب ہے،     وکٹ دیکھ کر فیصلہ کریں گے کہ کس کھلاڑی کو کھلانا ہے۔  سرفراز احمد کے لیے بھی پلان ہے، وکٹ دیکھ کر کھلانے کا فیصلہ کریں گے۔