آسٹریلوی ٹیسٹ ٹیم کے کپتان نے استعفی دے دیا

محمد کاشان

19th Nov, 2021. 10:06 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلوی ٹیسٹ ٹیم کے کپتان نے استعفی دے دیا

سڈنی: آسٹریلیا کی ٹیسٹ ٹیم کے کپتان ٹیم پین نے غیر اخلاقی پیغامات کے اسکینڈل کی وجہ سے استعفی دے دیا ہے۔

آسٹریلیا کے خبر رساں ادارے کے مطابق مستعفی ہونے والے کپتان ٹیم پین کا کہنا ہے کہ یہ مشکل فیصلہ تھا لیکن کرکٹ اور میری فیملی کے لیے یہی بہتر تھا۔

ٹیم پین کا کہنا تھا کہ میری جانب سے 2017 میں کی جانے والی غلطی آسٹریلین کپتان کے شایان شان نہیں تھی، میں کھیل کی ساکھ کو نقصان پہچانے پر معذرت خواہ ہوں۔

ٹیم پین کا مزید کہنا تھا کہ میں اپنی بیوی، فیملی اور ٹیم کے ہر ایک رکن سے اپنی جانب سے کی جانے والی غلطی پر تکلیف کے لیے معذرت خواہ ہوں۔

دوسری جانب آسٹریلین کرکٹ بورڈ نے ان کا استعفی منظور کرلیا ہے جبکہ ان کے خلاف غیر اخلاقی پیغامات کے اسکینڈل کی تفتیش جاری ہیں۔

واضح رہے کہ ٹیسٹ کرکٹ کی تاریخی ایشز سیریز سے قبل ٹیم پین کا استعفی دینا یقیناً آسٹریلین کرکٹ کے لیے ایک بڑا دھچکا ہوگا۔

یاد رہے کہ آسٹریلیا اور انگلینڈ کے درمیان ایشز سیریز کا آغاز رواں سال ماہ دسمبر کی 8 تاریخ سے شروع ہوگی جو اگلے سال 18 جنوری 2021 تک جاری رہے گی جبکہ اس دوران سیریز میں 5 میچز کھیلے جائیں گے۔