آئی پی ایل 2022 کا شیڈول سامنے آگیا

محمد کاشان

24th Nov, 2021. 11:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی پی ایل 2022 کا شیڈول سامنے آگیا

نئی دہلی: انڈین پریمئر لیگ 2022 کا شیڈول سامنے آگیا ہے جس کے مطابق لیگ کا آغاز اپریل کے پہلے ہفتے سے ہونے کا امکان ہے۔

اسپورٹس کی ویب سائٹ کرک بز کی رپورٹ کے مطابق آئی پی ایل 2022 کا آغاز 2 اپریل سے ہورہا ہے جس کا پہلا میچ چنئی میں کھیلا جائے گا۔

رپورٹ کے مطابق لیگ میں میچز بڑھ جانے کی وجہ سے 60 دن سے زیادہ تک چل سکتی ہے اور لیگ کا فائنل میچ 4 یا 5 جون کو ہونے کا امکان ہے۔

رپورٹ کے مطابق اس مرتبہ بھی لیگ میں شامل تمام ٹیموں کو سیمی فائنل تک رسائی حاصل کرنے کے لیے 14،14 میچز ہی کھیلنے ہوں گے جس میں 7 مقابلے اپنے گھر میں اور 7 مقابلے گھر کے باہر کھیلنے ہوں گے۔

رپورٹ کے مطابق افتتاحی مقابلے میں چنئی سپر کنگز کا مقابلہ ان کے سخت حریف ممبئی انڈٰین سے ہونے کی امید ہے تاہم ابھی حتمی فیصلہ ہونا باقی ہے۔

واضح رہے کہ موجودہ سیزن کے لیے بی سی سی آئی تیاریوں میں مصروف ہے جبکہ موجودہ سیزن میں 8 کی بجائے 10 ٹیمیں اتریں گی۔

یاد رہے کہ چنئی کنگز لیگ کی دفاعی چیمپئن ہے اور 4 مرتبہ لیگ کا ٹائٹل اپنے نام کرچکی ہے جبکہ ممبئی انڈین نے سب سے زیادہ 5 مرتبہ لیگ کا ٹائٹل اپنے نام کیا ہے۔