افریقہ میں کورونا کی نئی قسم کا تیزی سے پھیلاؤں کے بعد آئی سی سی نے ویمنز ورلڈ کپ کوالیفائر روک دیے ہیں۔

تفصیلات کے مطابق آئی سی سی کرکٹ ورلڈ کپ کوالیفائر زمبابوے میں جاری تھے جسے آئی سی سی نے روکنے کا فیصلہ کیا ہے۔

آئی سی سی کی جانب سے جاری بیان میں کہا گیا ہے کہ کوویڈ 19 کے ویرینٹ کا ساوتھ افریقہ میں پھیلاؤں اور سفری پابندیوں کے پیش نظر ایونٹ کو ختم کیا گیا ہے۔

آئی سی سی کی جانب سے کہا گیا ہے کہ ورلڈ کپ کے لئے کوالیفائی اب رینکنگ کی بنیاد پر ہوگی اور پاکستان، بنگلہ دیش اور ویسٹ انڈیز ویمنز کرکٹ ورلڈ کپ کھیلیں گے۔

آئی سی سی ہیڈ اف ایونٹس کرس ٹیٹلے کا کہنا ہے کہ ہمیں ٹورنامنٹ کینسل کرنے پر بڑی مایوسی ہوئی ہے، زمبابوے  سے جتنا جلد ممکن ہو سکا پرواز کریں گے۔

واضح رہے کہ ٹورنامنٹ شیڈول کے مطابق پانچ دسمبر تک کھیلا جانا تھا اور ویمنز کرکٹ ورلڈ کپ آئندہ برس نیوزی لینڈ میں شیڈول ہے۔

دوسری جانب پی سی بی نے افریقی ممالک میں کورونا وائرس کے نئے ویری اینٹ کے پیش نظر ہرارے میں موجود پاکستان ویمن ٹیم کو محتاط رہنے کی خصوصی ہدایات جاری کی ہیں۔

پی سی بی کا کہنا ہے کہ اس حوالے سے پی سی پی میزبان ملک اور اپنی مینجمنٹ کے ساتھ مکمل رابطے میں ہے۔

واضح رہے کہ متحدہ عرب امارات، سعودی عرب اور امریکا سمیت دنیا کے کئی ممالک نے کورونا کی نئی قسم سامنے آنے کے بعد جنوبی افریقا اور زمبابوے سمیت افریقا کے مختلف ممالک پر سفری پابندیاں عائد کردی ہیں۔

خیال رہے کہ کووڈ کے اس نئے ویرینٹ کو سائنسدانوں نے بی اعشاریہ ایک اعشاریہ ایک اعشاریہ پانچ دو نو کا نام دیا ہے جبکہ اسے ویرینٹ آف کنسرن بتایا گیا ہے۔

ماہرین کے مطابق اس نئے ویرینٹ کا مشاہدہ کرنے پر وہ ہوگئے ہیں کیونکہ اس سے قبل انہوں نے کورونا کی اتنی خطرناک قسم نہیں دیکھی ہے۔