برسبین: ایشز سیریز کے پہلے میچ انگلینڈ نے دوسری اننگ میں 2 وکٹوں کے نقصان پر 220 رنز بنالیے ہیں۔
برسبین کے گابا اسٹیڈیم میں جاری ایشز سیریز کے پہلے میچ انگلینڈ کی واپسی ہوگئی ہے جبکہ انگلینڈ نے تیسرے دن کے کھیل کے اختتام تک آسٹریلیا کے 425 رنز کے جواب میں 220 رنز اسکور کرلیے ہیں جبکہ انگلینڈ کی اب بھی 8 وکٹیں باقی ہیں۔
انگلینڈ کی جانب سے ڈیوڈ ملان 80 اور جائے روٹ 86 رنز کے ساتھ کریز پر موجود ہیں جبکہ اس سے قبل آؤٹ ہونے والے کھلاڑیوں میں حسیب حمید اور روری جوزف برن شامل ہیں جبکہ حسیب حمید نے 27 اور روری جوزف برن نے 13 رنز بنائے تھے۔ آسٹریلیا کی جانب سے مچل اسٹارک اور پیٹ کمنس نے ایک ایک وکٹ حاصل کی ہے۔
یہ بھی پڑھیں: ایشز سیریز: پہلے ٹیسٹ میں انگلینڈ کے خلاف آسٹریلیا نے رنز کا پہاڑ کھڑا کردیا
واضح رہے کہ دوسرے دن کے کھیل کے اختتام تک آسٹریلیا نے 7 وکٹوں کے نقصان پر 343 رنز اسکور کرلیے تھے جس کے بعد آسٹریلیا کو مہمان ٹیم کے خلاف 196 رنز کی برتری حاصل تھی۔
واضح رہے کہ انگلینڈ اور آسٹریلیا کے درمیان 5 میچز پر مشتمل ایشز سیریز کھیلی جارہی ہے جبکہ یہ تمام میچز آئی سی سی ٹیسٹ چیمپئن شپ کا حصہ ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News