آئی سی سی نے ویمنز پلیئر آف دی ایئر کی نامزدگیوں کا اعلان کردیا ہے جس میں پاکستانی کھلاڑی کو بھی شامل کیا گیا ہے۔

آئی سی سی ویمنز پلیئر آف دی ایئر کی نامزدگیوں میں پاکستان کی فاطمہ ثنا کو بھی شامل کیا گیا ہے جبکہ جنوبی افریقہ کی لیزل لی، انگلینڈ کی ٹیمی بیماونٹ اور ویسٹ انڈیز کی ہیلے میتھیوز کو نامزدگیوں میں شامل کیا ہے۔

🏴󠁧󠁢󠁥󠁮󠁧󠁿
🇿🇦
🌴
🇵🇰

Unveiling the nominees for the ICC Women’s ODI Player of the Year 2021 🤩

Advertisement

Details 👇https://t.co/YlDg2zi3Or

— ICC (@ICC) December 29, 2021

واضح رہے کہ اس سے قبل آئی سی سی نے مینز ٹیسٹ پلیئر آف دی ایئر کی نامزدگیوں کا اعلان کیا تھا جس میں بھارت کے روی چندرن اشون، انگلینڈ کے کپتان جوروٹ، سری لنکا کے دیمتھ کرونارتنے اور نیوزی لینڈ کے کائل جیمیسن شامل ہیں۔

واضح رہے کہ پلیئر آف دی ایئر ایوارڈ کا اعلان اگلے سال 24 جنوری کو ہوگا جبکہ پلیئر آف دی ایئر کا انتخاب ووٹنگ کے ذریعے کیا جائے گا جس میں شائقین اپنے پسند کے کھلاڑی کا انتخاب کریں گے۔

دوسری جانب پپلیئر آف دی ایئر کی نامزدگیوں میں کسی پاکستانی کھلاڑی کو نامزد نہ کرنے پر سوشل میڈیا پر شائقین کرکٹ کا شدید ردعمل سامنے آیا تھا جبکہ کئی صارفین پاکستان کے نوجوان بولر شاہین شاہ آفریدی کو اس فہرست میں شامل نہ کرنے پر حیرت کا اظہار کیا تھا۔

یاد رہے کہ شاہین شاہ آفریدی کا سال 2021 ان کے کیریئر کا بہترین سال رہا ہے جبکہ اس سال انہوں نے 17 اعشاریہ 6 کی اوسط سے گیند کرواکر 47 وکٹیں حاصل کی ہیں۔