ایشیز سیریز کے ایڈیلیڈ ٹیسٹ میں آسٹریلیا کی انگلینڈ کے خلاف پوزیشن مستحکم ہوگئی ہے۔

دوسرے ٹیسٹ میچ میں انگلینڈ کی پوری ٹیم اپنی پہلی اننگز میں 236 رنز بناکر آؤٹ ہوگئی جس کے بعد آسٹریلیا نے فالو آن کرنے کے بجائے خود بیٹنگ کرنے کا فیصلہ کیا ہے۔

انگلینڈ کی جانب سے ڈیوڈ ملان (80) ، کپتان جو روٹ (62) ،بین اسٹوکس(34) اور کرس ووکس(24) کے علاوہ کوئی بھی کھلاڑی ڈبل فیگرز میں داخل نہ ہوسکا۔

اس کے علاوہ اسٹورٹ براڈ9، حسیب حمید 6،اولی پوپ اور جیمز اینڈرسن 5،5  اور روری برنز 4  رنز بناسکے جبکہ جوس بٹلر اور اولی روبنسن بغیر کوئی کھاتہ کھولے آؤٹ ہوئے۔

آسٹریلیا کی جانب سے مچل اسٹارک نے 4، نیتھن لیون نے 3، کیمرون گرین نے 2 اور مائیکل نیسر نے ایک وکٹ حاصل کی۔

England are all out ☝️

Australia will bat again as they opt against enforcing the follow-on.

Watch the #Ashes live on https://t.co/CPDKNx77KV (in select regions) 📺#AUSvENG | #WTC23 pic.twitter.com/esticplAAj

— ICC (@ICC) December 18, 2021

اس سے قبل آسٹریلیا نے ٹاس جیت کر پہلے بیٹنگ کرتے ہوئے 473 رنز 9 کھلاڑی آؤٹ پر اننگز ڈکلیئر کی تھی۔

مارنس لبوشین 103، ڈیوڈ وارنر 95 ،کپتان اسٹیو اسمتھ 93  اور ایلکس کارے 51رنز بناکر نمایاں رہے تھے۔

مچل اسٹارک نے 39 ناٹ آؤٹ ، مائیکل نیسر نے 35 ، ٹریوس ہیڈ نے 18،جھائی رچرڈسن نے 9 اور کیمرون گرین نے 2 رنز بنائے تھے۔

انگلینڈ کی جانب سے بین اسٹوکس نے 3، جیمز اینڈرسن نے 2  جبکہ اسٹورٹ براڈ، کرس ووکس، جو روٹ اور اولی روبنسن  نے ایک ایک وکٹ حاصل کی تھی۔

واضح رہے کہ ایشیز سیریز کے پہلے ٹیسٹ میچ میں آسٹریلیا نے انگلینڈ کو با آسانی 9 وکٹوں سے شکست دی تھی۔

ٹریوس ہیڈ کو آسٹریلیا کی پہلی اننگز میں 152 رنز کی شاندار اننگز کھیلنے پر میچ کا بہترین کھلاڑی قرار دیا گیا تھا۔