قومی کرکٹ ٹیم کے نائب کپتان شاداب خان نے سابق کپتان سرفراز احمد کو خراج عقیدت پیش کیا ہے۔
سماجی رابطے کی ویب سائٹ ٹوئیٹر پر جاری سوال و جواب کے سیشن میں ایک پاکستانی صحافی نے ان سے سوال کیاکہ آپ اب بھی سرفراز احمد کو اپنا کپتان کیوں کہتے ہیں؟
شاداب خان نے جواب دیا کہ انہوں نے مجھے سکھایا کہ قیادت کیسے کرنی ہے، اپنی ٹیم کی دیکھ بھال کیسے کرنی ہے، اپنے ملک اور اپنے ساتھیوں کے لیے کیسے لڑنا ہے۔ میرے استاد ہمیشہ میرے کپتان رہیں گے۔
Because he taught me how to lead, how to look after your team, how to fight for your country and your teammates. My teacher will always be my captain. #AskShadab https://t.co/VDPdlcBybl
Advertisement— Shadab Khan (@76Shadabkhan) December 20, 2021
اس دوران دیگر صحافیوں، کھلاڑیوں اور شاداب کے فینز کی جانب سے مختلف پر مزاح سوالات پوچھے گئے۔
انگلش کھلاڑی فل سالٹ کے ایک مزاحیہ سوال پر شاداب نے جواب دیا کہ ’سالٹی، میں اسی وجہ سے تم سے بات کرنے سے گریز کرتا ہوں‘۔
https://twitter.com/76Shadabkhan/status/1472962674690510853
پی اسی ایل میں ببل گم مین کے نام سے مشہور ہونے والے لاہور قلندرز کے بین ڈنک کے سوال پر شاداب نے الٹا ان سے ہی سوال کر ڈالا کہ ’یہ آپ ہی بتائیں‘۔
U tell me #AskShadab https://t.co/Z2M6G8uDw5
— Shadab Khan (@76Shadabkhan) December 20, 2021
ماں سے متعلق پوچھے گئےسوال پر شاداب خان نے اپنی ماں کو اپنی زندگی قرار دیا۔
AdvertisementLife #AskShadab https://t.co/fvO1ZrNQuJ
— Shadab Khan (@76Shadabkhan) December 20, 2021
ایک سوال کے جواب میں شاداب خان نے اپنی بہترین بیٹنگ اننگز سری لنکا کے خلاف میچ وننگ اننگز کو قرار دیا جب پاکستان کو جیت کے لیے 8 رنز درکار تھے اور شاداب نے میچ کا پانسہ پاکستان کے حق میں پلٹ دیا تھا۔
Vs Sri Lanka when we needed 8 #AskShadab https://t.co/iKTJycW2lH
Advertisement— Shadab Khan (@76Shadabkhan) December 20, 2021
انہوں نے چیمپئنز ٹرافی 2017 کے فائنل کو اپنے کیریئر کا بہترین میچ قرار دیا۔
CT17 final #AskShadab https://t.co/mBkFip6ymT
— Shadab Khan (@76Shadabkhan) December 20, 2021
واضح رہے کہ شاداب خان نے انٹرنیشنل کرکٹ میں سرفراز احمد کی قیادت میں مارچ 2017 میں ٹی ٹوئنٹی میچ سے ڈیبیو کیا تھا۔ اس کے اگلے ماہ انہیں ون ڈے اور ٹیسٹ کیپ بھی مل گئی تھی۔
شاداب خان 2017 میں سرفراز احمد کی قیادت میں چیمپئنز ٹرافی جیتنے والی ٹیم میں بطور لیگ اسپنر شامل تھے اور ان ہی کی قیادت میں ٹیم کی مسلسل 11 سیریز میں فتوحات میں بھی اہم رکن رہے۔
وہ اب تک کھیلے گئے 6 ٹیسٹ، 48 ون ڈے اور 64 ٹی ٹوئنٹی میچز میں بالترتیب 14، 62 اور 73 وکٹیں حاصل کرچکے ہیں۔
انہوں نے ٹیسٹ اور ون ڈے میں 3،3 نصف سنچریز کی بدولت بالترتیب 300 اور 434 رنز بھی اسکور کر رکھے ہیں جبکہ ٹی ٹوئنٹی میں وہ 136 کے اسٹرائیک ریٹ سے 275 رنز بناچکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News