کامران اکمل پی ایس ایل میں کس ٹیم کی نمائندگی کریں گے؟ اعلان کردیا

ویب ڈیسک

14th Dec, 2021. 11:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کامران اکمل پی ایس ایل میں کس ٹیم کی نمائندگی کریں گے؟ اعلان کردیا

کامران اکمل پی ایس ایل 7 میں کس ٹیم کی نمائندگی کریں گے انہوں نے اعلان کردیا۔

پشاور زلمی کے کوچ اور ڈائریکٹر کرکٹ محمد اکرم کی کامران اکمل سے ملاقات ہوئی جس میں کرکٹر نے پی ایس ایل سے دستبردار ہونے کا فیصلہ واپس لیتے ہوئے کہا کہ پشاور زلمی میری فیملی ہے، پی ایس ایل 7 میں پشاور زلمی کی نمائندگی کروں گا۔

پشاور زلمی کے کوچ اور ڈائریکٹر کرکٹ محمد اکرم نے کہا کہ کامران اکمل ہمیشہ ہمارے اہم کھلاڑی رہے ہیں، وہ پی ایس ایل میں پشاور زلمی کا حصہ ہوں گے۔

واضح رہے کہ کامران اکمل اتوار کے روز پی ایس ایل 7 کیلئے پشاور زلمی کی جانب سے سلورکیٹیگری میں منتخب ہونے پر بطور احتجاجاً لیگ سے دستبردار ہوگئے تھے اور کہا تھا کہ شاید اب ٹیم میں میری ضرورت نہیں رہی، مجھے جو عزت ملنی چاہیے نہ ملنے پر دستبردار ہو رہا ہوں۔

ان کا کہنا تھا کہ سلور کیٹگری میں مجھے جیسے سینئر کھلاڑی کو نہیں کھیلنا چاہیے، مجھے سلورکیٹیگری میں پک کرنے سے اچھا ہے نوجوانوں کو موقع دیں۔