آسٹریلیا نے جوکووچ کے بعد ایک اور ٹینس اسٹار کا ویزا منسوخ کردیا

ویب ڈیسک

07th Jan, 2022. 06:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آسٹریلیا نے جوکووچ کے بعد ایک اور ٹینس اسٹار کا ویزا منسوخ کردیا

آسٹریلیا نے عالمی نمبر ایک سربین اسٹار نوواک جوکووچ کے بعد ایک اور ٹینس کھلاڑی کا ویزا منسوخ کر دیا۔

جمہوریہ چیک سے تعلق رکھنے والی خاتون ٹینس کھلاڑی کا آسٹریلیا کا ویزا منسوخ کر کے انہیں اسی امیگریشن ہوٹل میں زیر حراست رکھا گیا ہے جہاں سربیا کے اسٹار نوواک جوکووچ زیر حراست ہیں۔

38 سالہ ریناٹا ووراکووا کو گزشتہ روز آسٹریلوی بارڈر فورس کے اہلکاروں نے حراست میں لیا تھا۔وہ پہلے ہی میلبرن میں ایک وارم اپ ٹورنامنٹ کھیل چکی ہیں۔

مزید پڑھیئے: ویکسینیشن نہ کرانے پر جوکووچ کو آسٹریلیا میں داخلے سے روک دیا گیا

اس کیس سے واقفیت رکھنے والے ایک حکومتی ذرائع نے تصدیق کی ہے کہ جوکووچ کے برعکس ریناٹا ووراکووا ویزا منسوخی کو چیلنج کیے بغیر آسٹریلیا چھوڑ دیں گی۔

ذرائع کا کہنا ہے کہ جوکووچ اور ووراکووا کو ٹینس آسٹریلیا کی جانب سے کورونا ویکسینیشن سے استثنیٰ دیا گیاتھا اور اسی استثنیٰ پر ووراکووا گزشتہ ماہ آسٹریلیا میں داخل ہوئی تھیں۔

دونوں ہی کھلاڑی حال ہی میں کورونا وائرس سے متاثر ہوئے تھے۔

واضح رہے کہ اس سے قبل آسٹریلوی وزیر اعظم نے نوواک جوکووچ کو متنبہ کیا تھا کہ اگر وہ لازمی کورونا ویکسین سے طبی استثنیٰ ثابت کرنے میں ناکام رہتے ہیں تو انہیں اگلی فلائیٹ سے واپس گھر بھیج دیا جائے گا۔