کامیاب جوان پروگرام اور لاہور قلندرز ٹرائلز کے تحت سیالکوٹ میں آج سے ٹرائلز کا آغاز ہوگا۔

معاون خصوصی عثمان ڈار نے کہا کہ سماجی رابطے کی ویب سائٹ ٹوئٹر پر ویڈیو پیغام میں کہا کہ میرا پیغام پاکستان کے  ان نوجوانوں کے لیے ہے جو کرکٹ سے لگاؤ رکھتے ہیں، کامیاب جوان اسپورٹس ڈرائیو لاہور قلندر کے ساتھ مل کر آج سیالکوٹ وی آئی پی کرکٹ گراؤنڈ میں ٹرائل لئے جا رہے ہیں۔

وزیراعظم کے معاون خصوصی برائے امور نوجوانان عثمان ڈار نے لاہور قلندر کی انتظامیہ کا شکریہ ادا کرتے ہوئے کہا ہے کہ لاہور قلندر رضاکارانہ طور پر کامیاب جوان اسپورٹس پروگرام کو سپورٹ کر رہے ہیں جس پر ان کا مشکور ہوں۔

کرکٹ سے محبت کرنے والوں نوجوانوں کے نام!
کامیاب جوان اسپورٹس ڈرائیو اور لاہور قلندرز مل کر کل 11 جنوری بروز منگل سے کرکٹ کا نیا ٹیلنٹ تلاش کرنے جا رہے ہیں! حکومتی سرپرستی میں ہونے والے ٹرائلز کے ذریعے آپ بھی فائدہ اٹھانا چاہتے ہیں تو کل وی آئی پی کرکٹ اسٹیڈیم سیالکوٹ تشریف لائیں! pic.twitter.com/mMipYAySJO

Advertisement

— Usman Dar (@UdarOfficial) January 10, 2022

کامیاب جوان اسپورٹس اینڈ ٹیلنٹ ہنٹ ڈرائیو  لاہور قلندر کے ساتھ مل کر باصلاحیت کھلاڑیوں کو مواقع فراہم کرے گی۔

 انہوں نے کہا کہ سب کو دعوت دیتا ہوں کہ جو بھی کرکٹ میں آگے نکلنا چاہتے ہیں، ان شا اللہ کامیاب جوان اسپورٹس اینڈ ٹیلنٹ ہنٹ ڈرائیو  لاہور قلندر کے ساتھ مل کر ان سب کو موقع دے گی۔

عثمان ڈار نے کہا کہ میں لاہور قلندر کی انتظامیہ کا شکریہ ادا کرنا چاہتا ہوں کہ وہ رضاکارانہ طور پر وزیراعظم کے کامیاب جوان پروگرام کو سپورٹ کر رہے ہیں اور پاکستان کے نوجوانوں کو موقع دے رہے ہیں۔

 انکا کہنا تھا کہ اس سے قبل گزشتہ سال 7 دسمبر کو اسلام آباد میں کامیاب جوان ٹیم اور لاہور قلندر نے مل کر ٹرائلز کیے تھے اور اب آج سے سیالکوٹ میں ٹرائلز لئے جا رہے ہیں۔

انہوں نے کہا کہ آپ سب آئیں میں آپ سب کا منتظر رہوں گا۔