بھارتی کھلاڑی راج گوپال ستیش نے انکشاف کیا ہے کہ انہیں میچ فکسنگ کی آفر کی گئی تھی جس کے بدلے انہیں 40 لاکھ روپے کی پیشکش تھی۔

بھارتی کرکٹ میں اس وقت کھلبلی مچی جب آئی پی ایل میں کنگس الیون پنجاب اور کلکوتا نائٹ رائیڈر کی جانب سے کھیلنے والے بھارتی کرکٹر نے دعوی کیا کہ انہیں میچ فکسنگ کی آفر کی گئی ہے جس کے بدلے انہیں 40 لاکھ روپے تک کی آفر تھی۔

اس حوالے سے انہوں نے بنگلور پولیس کو رپورٹ درج کروادی ہے جبکہ انہوں نے بی سی سی آئی اور آئی سی سی کو بھی مطلع کردیا ہے جبکہ اس حوالے سے ایک اسپیشل ٹیم بھی بنادی گئی ہے۔

رپورٹس کے مطابق ستیش جو کہ اب تمل ناڈو پریمئر لیگ میں چیپاک سپر لیگ کی نمائندگی کی نمائندگی کررہے ہیں، اس ہی ٹیم کی جانب سے کھیلتے ہوئے انہیں میچ فکسنگ کی آفر کی گئی ہے۔

دوسری جانب پولیس کا دعوی ہے کہ انہیں میچ فکسنگ کی آفر دینے والا ملزم اس وقت بنگلورو میں موجود ہے جبکہ اس ملزم کا نام آنند بتایا جارہا ہے۔

پولیس کو دی جانے والی درخواست کے مطابق ستیش کو آننگ نامی فرد نے انسٹاگرام پر پیغام بھیج کر میچ فکسنگ کے لیے 40 لاکھ روپے کی آفر کی تھی۔

رپورٹ کے مطابق آنند نے اس بات کا بھی انکشاف کیا تھا ستیش سے قبل دو کھلاڑی پہلے یہ ان کی آفر قبول کرچکے ہیں جبکہ ستیش نے ان کی آفر کو ٹھکرادیا دیا تھا