پی ایس ایل 7 کے فائنل کیلئے میچ آفیشلز کا اعلان

ویب ڈیسک

26th Feb, 2022. 02:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 7 کے فائنل کیلئے میچ آفیشلز کا اعلان

پاکستان سپر لیگ (پی ایس ایل) کے ساتویں ایڈیشن کے لیے میچ آفیشلز کا اعلان کردیا گیا۔

تفصیلات کے مطابق دفاعی چیمپئن ملتان سلطانز اور لاہور قلندرز کے درمیان کل ہونے والے فائنل میچ میں پاکستان کے علیم ڈار اور انگلینڈ کے رچرڈ النگورتھ فیلڈ امپائر کے فرائض انجام دیں گے۔

علیم ڈار اور رچرڈ النگورتھ مجموعی طور پر 81 ٹی ٹوئنٹی انٹرنیشنلز میں امپائرنگ کے فرائض انجام دے چکے ہیں۔

Aleem and Illingworth to umpire HBL PSL 7 final.
Advertisement
Read more: https://t.co/Fa4X5ARuBc #HBLPSL7 I #LevelHai
— PakistanSuperLeague (@thePSLt20) February 26, 2022

تاہم النگورتھ پی ایس ایل کے فائنل میں پہلی مرتبہ امپائرنگ کریں گے جبکہ سب سے زیادہ 60 ٹی ٹوئنٹی انٹرنیشنلز میں امپائرنگ کرنے والے علیم ڈار اس سے قبل 2016، 2018، 2020 اور 2021 کے ایڈیشنز کے فائنلز میں امپائرنگ کر چکے ہیں۔

ان کے علاوہ مائیکل گف تھرڈ امپائر ہوں گے جبکہ احسن رضا فورتھ امپائر ہوں گے۔

آئی سی سی کے سابق میچ ریفری روشن مہاناما میچ ریفری کے فرائض انجام دیں گے۔

واضح رہے کہ پی ایس ایل کے ساتویں ایڈیشن کا فائنل کل 27 فروری کو پاکستانی وقت کے شام ساڑھے سات بجے قذافی اسٹیڈیم لاہور میں کھیلا جائے گا۔