کامن ویلتھ گیمز2022: پاکستان سمیت آٹھ ویمنز کرکٹ ٹیموں نے کوالیفائی کرلیا

ویب ڈیسک

01st Feb, 2022. 03:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کامن ویلتھ گیمز2022: پاکستان سمیت آٹھ ویمنز کرکٹ ٹیموں نے کوالیفائی کرلیا

کامن ویلتھ گیمز؛ دستے میں شامل تین کھلاڑی کورونا وائرس کا شکار

آئی سی سی نے کامن ویلتھ گیمز میں شرکت کے لیے آٹھ ویمنز کرکٹ ٹیموں کا اعلان کردیا ہے جس میں پاکستان بھی شامل ہے۔

پاکستان سمیت آٹھ ممالک کی ویمنز کرکٹ ٹیمیں برمنگھم میں ہونے والی کامن ویلتھ گیمز 2022 میں شرکت کریں گی جبکہ اس حوالے سے آئی سی سی نے ٹیموں کے ناموں کا اعلان کردیا ہے۔

یہ بھی پڑھیں: کامن ویلتھ گیمز کیلئے ٹیموں کے کیمپ شروع ہو چکے ہیں، ڈی جی اسپورٹس بورڈ

آئی سی سی کا اپنے ایک بیان میں کہنا تھا کہ آئی سی سی کامن ویلتھ کوالیفائرز میں گذشتہ ہفتے سری لنکا کی جیت کے بعد برمنگھم گیمز کے لیے آٹھ ٹیمیں فائنل ہوگئی ہیں جو ایونٹ میں حصہ لیں گی۔

پاکستان کے علاوہ اس ایونٹ میں بھارت، آسٹریلیا، انگلینڈ، سری لنکا، جنوبی افریقہ، نیوزی لینڈ اور بارباڈوس کی ویمنز ٹیمیں شرکت کریں گی۔

یہ بھی پڑھیں: کامن ویلتھ اور ورلڈ چیمپئین شپ کے لئے پاکستانی ویٹ لفٹنگ ٹیم کا اعلان

ایونٹ میں ٹیموں کو دو گروپوں میں تقسیم کیا گیا ہے جبکہ گروپ اے میں پاکستان، بھارت، آسٹریلیا اور بارباڈوس کی ٹیمیں شامل ہیں جبکہ گروپ بی میں انگلینڈ، سری لنکا، جنوبی افریقہ اور نیوزی لینڈ کی ٹیمیں شامل ہوں گی۔

واضح رہے کہ ایونٹ کا پہلا میچ 29 جولائی کو بھارت اور آسٹریلیا کی ٹیموں کے درمیان کھیلا جائے گا۔

یہ بھی پڑھیں: پاکستان کے نوح دستگیر بٹ نے کامن ویلتھ گیمز کیلیے کوالیفائی کرلیا

یاد رہے کہ کامن ویلتھ گیمز میں کرکٹ کو سن 1998 میں شامل کیا گیا تھا جس کے فائنل میں جنوبی افریقہ نے آسٹریلیا کو ہراکر سونے کا تمغہ اپنے نام کیا تھا۔