انضمام الحق کی قومی ٹیم میں سلیکشن کے حوالے سے ثقلین مشتاق نے بڑا انکشاف کیا ہے۔

پاکستان کرکٹ ٹیم کے سابق اسپنر ثقلین مشتاق نے حال ہی میں کرکٹ ویب سائٹ کو انٹرویو دیا ہے جس میں انہوں نے انضمام الحق کی قومی ٹیم میں سلیکشن کے حوالے سے انکشاف کیا ہے۔

ثقلین مشتاق کہتے ہیں انضمام الحق قومی ٹیم میں سلیکٹ ہونے سے قبل ہی فرسٹ کلاس کرکٹ میں نام بناچکے تھے جبکہ انضمام الحق کی سلیکشن عمران خان کے دور میں ہوئی۔

ثقلین مشتاق کا کہنا تھا کہ سلیکشن سے قبل بھی انضمام بغیر ہیلمٹ کے فرنٹ فٹ پر پل اور ہک مارتے تھے جبکہ عمران خان کا نئے لڑکوں کا جانچنے کا اپنا طریقہ تھا۔

وہ کہتے ہیں لاہور کے قذافی اسٹیڈیم میں کیمپ جاری تھا جبکہ عمران خان نے وسیم اکرم اور یونس کو ہاتھ میں گیند تھما کر کہا کہ ’’سنا ہے کہ یہ لڑکا نیا آیا ہے اور بہت اچھا کھیل کر آیا ہے تو اسے چیک کرتے ہیں۔

انضمام کو چیک کرنے کے لیے عمران خان نے دونوں بولرز کو ہدایت کی کہ وہ اسپیس کے ساتھ باؤنسر کروائیں جائیں لیکن انضمام کی جارحانہ بیٹنگ کے آگے بولرز ناکام ہوگئے۔

ثلقین مشتاق کہتےہیں کہ یہ سب دیکھنے کے بعد عمران خان نے انضمام الحق فوراً ہی سلیکٹ کرلیا جس کے بعد انضمام الحق نے ویسٹ انڈی کے خلاف میچ کھیل کر اپنا ڈیبیو کیا۔