لاہور ٹیسٹ: پی سی بی نے پچ کی تیاری کے لیے ٹوبی لمسڈن کی خدمات حاصل کرلیں

ویب ڈیسک

17th Mar, 2022. 01:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور ٹیسٹ: پی سی بی نے پچ کی تیاری کے لیے ٹوبی لمسڈن کی خدمات حاصل کرلیں

لاہور: پی سی بی نے آئی سی سی اکیڈمی کے ہیڈ کیوریٹر ٹوبی لمسڈن کی خدمات حاصل کر لیں ہیں۔

پاکستان میں پچز کی اپ گریڈیشن کے پلان کے لئے ٹوبی لمسڈن کے تجربے سے فائدہ اٹھایا جائے گا جبکہ ٹوبی لمسڈن قذافی اسٹیڈیم لاہور میں پاکستان آسٹریلیا ٹیسٹ میچ کے لیے تیار کی جانے والی پچ کا بھی جائزہ لے رہے ہیں۔

یہ بھی پڑھیں: پاکستانی اور آسٹریلین ٹیموں کی آج لاہور آمد، پولیس کے سیکیورٹی انتظامات مکمل

ٹوبی لمسڈن مقامی گراؤنڈ اسٹاف کے ساتھ مل کر پچ کی تیاری کو حتمی شکل دے رہے ہیں جبکہ آئی سی سی اکیڈمی کے ہیڈ کیوریٹر اسکوائر اور پریکٹس پچز کا بھی جائزہ لے رہے ہیں۔

ٹوبی لمسڈن مقامی گراؤنڈ اسٹاف کو مختلف نوعیت کی پچز کی تیاری کے حوالے سے ٹپس بھی دے رہے ہیں۔

واضح رہے کہ پاکستان اور آسٹریلیا کی کرکٹ ٹیموں کے درمیان 3 ٹیسٹ میچز کی سیریز جاری ہے جس کا پہلا اوردوسرا میچ بلا نتیجہ ختم ہوگیا ہے۔

یہ بھی پڑھیں: قومی بلے باز شکست کا رخ موڑنے میں کامیاب، کراچی ٹیسٹ بغیر کسی نتیجے کے ختم

دونوں ٹیموں کے درمیان پہلا ٹیسٹ میچ راولپنڈی اور دوسرا کراچی کے نیشنل اسٹیڈیم میں کھیلا گیا جبکہ دونوں میچز میں ہی پچز کی تیاری پر موجودہ اور سابق کھلاڑیوں نے شدید تنقید کی ہے۔

یاد رہے کہ تیسرا ٹیسٹ لاہور کے قذافی اسٹیڈیم میں 21 سے 25 مارچ کے دوران کھیلا جائے گا جس کے لیے دونوں ٹیمیں آج لاہور پہنچ گئی ہے۔

میچ سے قبل دونوں ٹیموں کے درمیان پریکٹس سیشنز بھی ہوں گے۔

یہ بھی پڑھیں: کراچی ٹیسٹ میں پاکستان نے نئی تاریخ رقم کردی

خیال رہے کہ اس میچ میں کامیاب ہونے والی ٹیم میچ کے ساتھ ساتھ سیریز کی بھی فاتح قرار پائے گی جس کی وجہ سے یہ میچ دونوں ٹیموں کے لیے اہمیت کا حامل ہے۔