حارث رؤف کے بعد شاداب خان کا بھی یارکشائر کاؤنٹی سے معاہدہ ہوگیا۔

تفصیلات کے مطابق قومی کرکٹ ٹیم کے نائب کپتان  شاداب خان  کاؤنٹی کرکٹ میں حارث روف کے ہمراہ یارک شائر  کی نمائندگی کریں گے۔

حارث روف کے بعد یارک شائر کاؤنٹی کرکٹ کلب نے شاداب خان کے ساتھ بھی معاہدہ کرلیا ہے۔شاداب خان یارک شائر کے لیے وائٹیلٹی بلاسٹ کے پہلے پانچ میچز کے لیے دستیاب ہوں گے۔

شاداب خان یارک شائر کو وائٹیلٹی بلاسٹ میں آخری چھ گروپ میچز میں دوبارہ جوائن کریں گے۔

Advertisement

pic.twitter.com/xxIiGBHySu

— Yorkshire CCC (@YorkshireCCC) April 1, 2022

حارث رؤف بھی وائٹیلٹی بلاسٹ میں یارک شائر کے لیے پہلے پانچ میچوں کے لیے دستیاب ہوں گے۔

واضح رہے کہ رواں برس شاداب خان اور حارث رؤف کے علاوہ محمد عباس، شاہین شاہ آفریدی، محمد رضوان، حسن علی، اظہر علی اور نسیم شاہ بھی مختلف کاؤنٹی کی جانب سے کھیلیں گے۔

شاہین شاہ آفریدی  مڈل سیکس کو ٹی ٹوئنٹی بلاسٹ اور کاؤنٹی چیمپئین شپ میچز کے لیے دستیاب ہوں گے۔

محمد رضوان  جولائی کے وسط میں وائٹیلٹی بلاسٹ کے اختتام تک چیمپئن شپ اورٹی ٹوئنٹی کرکٹ میں سسیکس کی نمائندگی کریں گے۔

لاہور قلندرز کے ساتھ ایک معاہدے کے تحت یارکشائر کاؤنٹی نے 2022  کے لیے حارث رؤف کو بطور اوورسیز کھلاڑی  ٹیم میں شامل کیا ہے۔

پاکستان کے تجربہ کار ٹیسٹ بلے باز اظہر علی وورسیسٹر شائر کی نمائندگی کریں گے۔ پاکستان کرکٹ ٹیم کے فاسٹ بولر حسن علی انگلش کاؤنٹی  لنکا شائر  کی نمائندگی کریں گے۔

پاکستان کے ابھرتے ہوئے نوجوان فاسٹ بالر نسیم شاہ گلوسسٹر شائر کو 2022 کے سیزن کے ابتدائی چند مہینوں کے  لیے کاؤنٹی کو تمام فارمیٹس میں کھیلنے کے لیے دستیاب ہوں گے۔