امام الحق نے گراہم گوچ کا 37 سالہ ریکارڈ توڑ دیا

ویب ڈیسک

03rd Apr, 2022. 10:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امام الحق نے گراہم گوچ کا 37 سالہ ریکارڈ توڑ دیا

پاکستانی بیٹر امام الحق نے آسٹریلیا کے خلاف تین ون ڈے میچز کی سیریز میں 298 رنز اسکور کرکے گراہم گوچ کا 37 سالہ ریکارڈ توڑ دیا ہے۔

پاکستان اور آسٹریلیا کے درمیان تین ون ڈے میچز پر مشتمل سیریز کھیلی گئی جس میں پاکستان کے مایہ ناز بلے باز اور اوپنر امام الحق نے 1 نصف سنچری اور 2 سنچریوں کی بدولت 298 رنز اسکور کیے ہیں۔

امام الحق نے تین ون ڈے میچز کی سیریز میں مجموعی طور پرزیادہ رنز بناکر سابق برطانوی بلے باز گراہم گوچ کا 37 سال ریکارڈ توڑ دیا ہے۔

یہ بھی پڑھیں: بابر اعظم کی ایک اور سینچری،پاکستان نے سیریز اپنے نام کر لی

اس سے قبل گراہم گوچ نے 1985 میں تین ون ڈے میچز کی سیریز میں 289 رنز اسکور کیے تھے جبکہ کپتان بابر اعظم اس فہرست میں 276 رنز بناکر تیسرے نمبر پر موجود ہیں۔

علاوہ ازیں اس فہرست میں چوتھا نمبر جنوبی افریقہ کے وکٹ کیپر و بلے باز ہیزک کلاسن کا ہے، جنہوں نے 2020 میں 242 رنز بنائے تھے۔

واضح رہے کہ پاکستان اور آسٹریلیا کے درمیان گذشتہ روز لاہورکے قذافی اسٹیڈیم میں کھیلے گئے ون ڈے سیریز کے تیسرے اورآخری میچ میں پاکستان نے بابر اعظم کی سنچری اور امام الحق کی نصف سنچری کی بدولت شکست دی تھی۔

یہ بھی پڑھیں: بابر اعظم نے محمد یوسف کا 15 سالہ ریکارڈ توڑ دیا

پاکستان نے میچ کے ساتھ ساتھ سیریز بھی اپنے نام کرلی ہے جبکہ میچ اور سیریز کے بہترین کھلاڑی کا اعزاز کپتان بابر اعظم کے نام رہا تھا۔