قومی فاسٹ بولر شاہ نواز دھانی نے سوشل میڈیا پر سوال کیا ہے جس پر صارفین کے دلچسپ تبصرے دیکھنے کو مل رہے ہیں۔

پاکستان کرکٹ ٹیم کے ابھرتے ہوئے فاسٹ بولر شاہ نواز دھانی نے سماجی رابطے کی مائیکرو بلاگنگ ویب سائٹ ٹوئٹر پر ایک تصویر شیئر کی ہے جس میں وہ ایک گراؤنڈ میں چند افراد کے ساتھ چہل قدمی کررہے ہیں۔

Can you guess the name of this place? pic.twitter.com/By9QAVnpN3

— Shahnawaz Dahani (@ShahnawazDahani) May 24, 2022

تصویر کو شیئر کرتے ہوئے انہوں نے صارفین سے سوال کیا کہ ’کیا آپ اس جگہ کا نام بتاسکتے ہیں‘۔

دھانی کے سوال پر سوشل میڈیا صارفین نے خوب ردعمل دیا اور ہمیں دلچسپ تبصرے دیکھنے کو ملے۔

ایک ساقی نامی صارف نے اس جگہ کو کالج قرار دیا تو ایک صارف نے الٹا دھانی سے ہی سوال کرد ڈالا اور کہا کہ ’آپ سے بہتر کون جان جاسکتا ہے، آپ نے بتانا لازمی ہے‘۔

سمیع اللہ نامی صارف نے مزاقیہ انداز میں جواب دیتے ہوئے کہا کہ ’پاکستان جمخانہ کلب جہاں نوازشریف کمشنر کو امپائر بنا کر کرکٹ کھیلا کرتے تھے‘۔

فیا نامی صارفہ کا کہنا تھا کہ ’ہنٹ تو آپ کی شرٹ پر موجود ہے‘ جبکہ معاذ نامی صارف نے کہا کہ ہم کیوں اندازہ لگائیں۔

علاوہ ازیں دیگر صارفین نے بھی انوکھے اور دلچسپ تبصرے کیے ہیں۔

واضح رہے کہ شاہ نواز دھانی ویسٹ انڈیز کے خلاف ون ڈے سیریز کے لیے 16 رکنی اسکواڈ کا حصہ ہیں جس کے ٹریننگ سیشن کے لیے ان دنوں وہ لاہور میں موجود ہیں۔