انگلینڈ کے فاسٹ بالر اولی رابنسن کو فٹنس مسائل سے چھٹکارہ حاصل کرنے کی کوشش کو ایک اور جھٹکا لگ گیا۔
تفصیلات کے مطابق اولی رابنسن جو آسٹریلیا اور ویسٹ انڈیز کے دوروں کے دوران کمر کی تکلیف سے دوچار تھے، اب ان کا کورونا ٹیسٹ مثبت آگیا ہے۔
کاؤنٹی سیزن کے آغاز سے فٹنس مسائل کے شکار اولی رابنسن کمر میں درد کے باعث گزشتہ ہفتے نیوزی لینڈ کے خلاف کاؤنٹی سلیکٹ الیون کی ٹیم سے دستبردار ہوگئے تھے۔
28 سالہ رابنسن کا کورونا ٹیسٹ جمعرات کو مثبت آیا تھا اور قرنطینہ کا وقت مکمل ہونے تک ان کی انجری کا معائنہ نہیں کیا جاسکتا۔
اولی رابنسن فٹنس مسائل کے سبب نیوزی لینڈ کے خلاف پہلے دو ٹیسٹ میچز کے لیے انگلینڈ کی ٹیم میں جگہ نہیں بناسکے۔ انہوں نے 9 ٹیسٹ میچز میں 21.28 کی اوسط سے 39 وکٹیں لے رکھی ہیں۔
Advertisement
یاد رہے کہ سیریز کا افتتاحی میچ رواں ہفتے لارڈز میں کھیلا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
