نیوزی لینڈ نے سنسنی خیز مقابلے میں آئرلینڈ کو ایک رن سے شکست دے کر سیریز میں وائٹ واش کردیا۔

ڈبلن میں کھیلے گئے تیسرے ایک  روزہ میچ میں نیوزی لینڈ نے ٹاس جیت کر پہلے بیٹنگ کرتے ہوئے مارٹنگ گپٹل( 115 ) کی شاندار سنچری کی بدولت  مقررہ 50 اوورز میں 6 وکٹوں کے نقصان پر 360 رنز بنائے۔

ہینری نکلز  79 اور گلین فلپس 47  رنز بناکر دیگر نمایاں بلے باز رہے۔فن ایلن  33، کپتان ٹام  لیتھم  30  اور ول ینگ 3 رنز بناکر آؤٹ ہوئے جبکہ مائیکل بریسویل 21 اور مچل سینٹنر 14 رنز بناکر  ناقابل شکست رہے۔

آئر لینڈ کی جانب سے جوش لٹل نے 2 جبکہ کریگ ینگ، کرٹس کیمفر اور گیرتھ ڈیلانی نے ایک ایک وکٹ حاصل کی۔

ہدف کے تعاقب میں آئرش ٹیم پال اسٹرلنگ (120) اور ہیری ٹیکٹر(108) کی سنچریز کے باوجود مقررہ 50 اوورز میں 9 وکٹوں کے نقصان پر 359 رنز بناسکی۔

WHAT. A. GAME! 🤯

New Zealand maintain their perfect record in the @CricketWorldCup Super League after a last-ball thriller against Ireland.#IREvNZ pic.twitter.com/xFhG0wJfsv

— ICC (@ICC) July 16, 2022

اینڈی میکبرائن 26، گیتھ ڈیلانی اور جارج ڈوکریل 22،22، لورکان ٹکر14، کریگ ینگ 6، کرٹس کیمفر 5 اور کپتان اینڈی بلبرنی بغیر کوئی رن بنائے آؤٹ ہوئے جبکہ گراہم ہومے 7 اور جوش لٹل ایک رن بناکر ناٹ آؤٹ رہے۔

نیوزی لینڈ کی جانب سے میٹ ہینری نے 4، مچل سینٹنر نے 3 اور بلیئر ٹکنر نے ایک وکٹ حاصل کی۔

نیوزی لینڈ نے تین ایک روزہ میچز کی سیریز 0-3 سے اپنے نام کرلیا۔

دونوں ٹیموں کے مابین تین ٹی ٹوئنٹی میچز کی سیریز کا آغاز 18 جولائی سے ہوگا جس کا دوسرا میچ 20 جولائی اور تیسرا میچ 22 جولائی کو کھیلا جائے گا۔