پاکستان جونیئر لیگ کا آفیشل لوگوں منظر عام پر آگیا ہے جس پر صارفین کی جانب سے تنقید بھی کی جارہی ہے۔

چیئرمین پی سی بی رمیز راجہ کا ڈریم پروجیکٹ پاکستان جونیئر لیگ کا پہلا سیزن رواں سال یکم اکتوبر سے شروع ہونے جارہا ہے جس میں ابتدائی طور پر 6 ٹیمیں حصہ لیں گی۔

جاوید میانداد کو لیگ کا مینٹور مقرر کیا گیا ہے جبکہ شاہد آفریدی، شعیب ملک اور ڈیرن سیمی کو ٹیموں کا مینٹور مقرر کردیا گیا ہے۔

پی سی بی نے چھ میں سے تین ٹیموں کے لیے غیر ملکی اسٹارز کو بطور مینٹور مقرر کرنے کا بھی فیصلہ کیا ہے لیکن ٹی ٹوئنٹی ورلڈ کپ سے قبل انعقاد کی وجہ سے غیر ملکی کھلاڑیوں کی خدمات حاصل کرنے میں چیلنجز کا سامنا ہے۔

گذشتہ روزپی سی بی جونیئر لیگ کا آفیشل لوگو منظر عام پر لے آئی ہے جس کو انہوں نے مائیکرو بلاگنگ سائٹ پر شیئر کیا ہے۔

Advertisement

Beginning of an era. Here’s the official logo of the Pakistan Junior League!#Next11 #PJL pic.twitter.com/DfqQQFzLlV

— Pakistan Junior League (@ThePJLofficial) July 3, 2022

تاہم اس لوگو پر پی سی بی کو سوشل میڈیا پر تنقید کا سامنا بھی کرنا پڑرہا ہے جبکہ کئی صارفین نے لوگو پر ناپسندیدگی کا اظہار کیا ہے۔

Not a Good Logo.. Jan churany wala logo bnaya hai.. Thora soch ke bnaty.. PJL brand ke hisab se logo bnaty.. wohii purana mind set

Advertisement

— JAN (@Jan55K) July 3, 2022

ایک صارف نے تو لوگو کو آسٹریلیا کرکٹ کے لوگو سے بھی تشبیہہ دی اور کہا کہ ’ہماری ثقافت سے متعلق کچھ ہونا چایئے تھا‘۔

Almost a copy of cricket Australia logo….should have been something related to our culture

— AB MALIK (@AmirMal05190868) July 3, 2022

واضح رہے کہ پاکستان جونیئر لیگ کے میچز براہ راست دکھانے کے لیے پی سی بی براڈ کاسٹ کا بھی اعلان کردیا ہے۔

پاکستان جونیئر لیگ کے میچز اب براہ راست ملک کے پہلے سرکاری اسپورٹس چینل پی ٹی وی اسپورٹس پر لائیو دکھائے جائیں گے۔

یاد رہے کہ پاکستان جونیئر لیگ کا مقصد باصلاحیت نوجوانوں کو فرنچائز کی بنیاد پر اپنی صلاحیتوں کا مظاہرہ کرنے کے مواقع فراہم کرنا ہے۔

سرکاری ٹی وی کی کوریج اور لیگ سے بالآخر پاکستان کرکٹ کو فائدہ ہوگا اور قومی ٹیم کو نیا ٹیلنٹ ملے گا۔