عید الاضحیٰ کے پرمسرت موقع پر پاکستان مینز کرکٹ ٹیم کے کپتان بابر اعظم اور ویمنز ٹیم کی کپتان بسمہ معروف نے ویڈیو پیغام جاری کیا ہے۔

عید الاضحیٰ کے پرمسرت موقع پر پاکستان کرکٹ بورڈ کی جانب سے مینز اور ویمنز ٹیم کی کپتان کا ویڈیو پیغام جاری کیا گیا ہے جس کو پی سی بی نے اپنے آفیشل ٹوئٹر اکاؤنٹ پر شیئر کیا ہے۔

ویڈیو پیغام میں پاکستان مینز کرکٹ ٹیم کے کپتان بابر اعظم کا کہنا تھا کہ میری جانب سے اور پاکستان کرکٹ ٹیم کی جانب سے آپ سب کو بہت بہت عید مبارک۔

A special Eid message from 🇵🇰 captain @babarazam258 🤩#EidAdhaMubarak pic.twitter.com/CgWewfqYpB

— Pakistan Cricket (@TheRealPCB) July 9, 2022

انہوں نے کہا کہ امید ہے آپ کی عید کافی اچھی گزر رہی ہوگی اور امید کرتا ہوں کہ آپ پاکستان ٹیم کو مزید سپورٹ کرتے رہیں گے۔

پاکستان ویمنز ٹیم کی کپتان بسمہ معروف کا اپنے ویڈیو پیغام میں کہنا تھا کہ ’السلام و علیکم آپ سب کو میری اور ٹیم کی جانب سے عید الاضحیٰ مبارک‘۔

Pakistan women's team captain @maroof_bismah has an Eid message for you 😊#EidAdhaMubarak pic.twitter.com/kcefgO4x2L

— Pakistan Cricket (@TheRealPCB) July 9, 2022

بسمہ معروف کا کہنا تھا کہ اللہ تعالیٰ آپ لوگوں کی قربانیوں کو قبول فرمائے اور کوشش کریں کہ اس عید پر صفائی کا خاص خیال رکھیں اور ہم سب کو اپنی دعاؤں میں یاد رکھیں۔

پی سی بی نے بھی عید مبارک کا پیغام شیئرکیا ہے جس میں انہوں نے لکھا کہ ’پاکستان کرکٹ بورڈ کی جانب سے آپ سب کو عید الاضحیٰ مبارک‘۔

پاکستان کرکٹ بورڈ کی جانب سے آپ سب کو عید الاضحیٰ مبارک#عيد_اضحى_مبارك pic.twitter.com/gtfU9lBFCf

— Pakistan Cricket (@TheRealPCB) July 9, 2022

علاوہ ازیں دیگر قومی کھلاڑیوں نے بھی سوشل میڈیا پر قوم کو عید کی مبارکباد پیش کرتے ہوئے اپنے پیغامات شیئر کیے ہیں۔

واضح رہے کہ ملک بھر میں آج عید الاضحیٰ مذہبی عقیدت و احترام کے ساتھ منائی جارہی ہے جبکہ قومی کھلاڑی ان دنوں دورہ سری لنکا پر موجود ہیں۔