سری لنکا میں موجود قومی ٹیسٹ اسکواڈ نے نماز عید ادا کردی ہے۔
تفصیلات کے مطابق دورہ سری لنکا پر موجود کھلاڑیوں نے کولمبو کے مقامی ہوٹل میں نماز عید ادا کی اور نماز کے بعد کھلاڑی و کوچنگ اسٹاف ایک دوسرے سے بغل گیر ہوئے۔
یہ بھی پڑھیں: عیدالاضحیٰ کے پرمسرت موقع پر پاکستانی کھلاڑیوں کا قوم کے نام پیغام
نماز کے بعد گلے ملنے اور کھلاڑیوں کی ایک دوسرے کو عید کی مبارکباد پیش کرنے کی ویڈیو پاکستان کرکٹ بورڈ کے آفیشل ٹوئٹر اکاؤنٹ پر بھی شیئر کی گئی ہے۔
Eid Mubarak from Colombo 🤗🫂
The players offer Eid-ul-Azha prayers at the team hotel.#EidAlAdha pic.twitter.com/03dzJD86kM
Advertisement— Pakistan Cricket (@TheRealPCB) July 10, 2022
قومی ٹیم کچھ دیر بعد پریماداسا میں پریکٹس سیشن کا آغاز کرے گی جبکہ گذشتہ روزسری لنکا میں معاشی بحران کے خلاف جاری مظاہروں اور کرفیو کے باعث پاکستان ٹیم کا پریکٹس سیشن منسوخ کردیا گیا تھا۔
واضح رہے کہ پاکستان سمیت کئی ایشیائی ممالک آج عید الاضحیٰ منارہے ہیں جبکہ قومی کھلاڑی بڑی کے موقع پر بھی اپنے گھر والوں سے میلوں دور قومی ذمہ داری نبھائیں گے۔
پاکستان کرکٹ ٹیم ان دنوں دورہ سری لنکا پر موجود ہے جس دوران پاکستان اور سری لنکا کے درمیان دو ٹیسٹ میچز پر مشتمل سیریز کھیلی جائے گی۔
یہ بھی پڑھیں: سری لنکا میں کرفیو نافذ، قومی ٹیم کا پریکٹس سیشن منسوخ
پاکستان کرکٹ ٹیم 6 جولائی کو سری لنکا پہنچی تھی جبکہ پاکستان اور سری لنکا کے درمیان آئی سی سی ورلڈ ٹیسٹ چیمپئن شپ کا پہلا میچ 16 سے 20 جولائی تک گال میں کھیلا جائے گا اور دوسرا ٹیسٹ میچ 24 سے 28 جولائی تک کولمبو میں شیڈول ہے۔
خیال رہے کہ پاکستان ٹیم 7 سال بعد سری لنکا کے دورے پر گئی ہے جبکہ آخری مرتبہ پاکستان نے 2015 میں سری لنکا کا دورہ کیا تھا۔
اس دورے میں پاکستان ٹیم نے تیسرے ٹیسٹ میچ میں ریکارڈ 377 رنز کا ہدف حاصل کرکے سیریز میں 1-2 سے کامیابی اپنے نام کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News