سابق آسٹریلوی کپتان رکی پونٹنگ نے ایشیز سیریز  کے لیے انگلینڈ کو فیورٹ قرار دے دیا۔

انٹرنیشنل کرکٹ کونسل کے پروگرام ’دی آئی سی سی ریویو‘ میں تجزیہ کرتے ہوئے رکی پونٹنگ نے کہا کہ  انگلش ٹیم نئے کوچ برینڈن میک کلم کی قیادت میں شاندار کھیل کا مظاہرہ کررہی ہے۔

انہوں نے کہا کہ ان کے خیال میں اگر اگلے ماہ انگلینڈ میں ایشز سیریز منعقد ہوتی ہے تو انگلینڈ اس کے لیے فیورٹ ہوگی۔

میک کلم نے اپنے بین الاقوامی کوچنگ کیریئر کا شاندار آغاز کیا ہے۔ انہوں نے مئی میں اپنی تقرری کے بعد سے کھیل کے تمام پہلوؤں میں زیادہ جارحانہ انداز کی وجہ سے انگلینڈ کو مسلسل چار ٹیسٹ میچز میں فتوحات دلانے میں مدد کی۔

Advertisement

Is ‘Bazball’ an Ashes-winning formula for England?

On the latest episode of #TheICCReview, Australia legend @RickyPonting dissects their brand new approach.

More 👉 https://t.co/YwhbjrW6r6 pic.twitter.com/Z6AohbaAlb

— ICC (@ICC) July 22, 2022

آسٹریلوی لیجنڈ میک کلم کی بحیثیت کھلاڑی اور کوچ خوبیوں سے بخوبی واقف ہیں  چونکہ دونوں  نہ صرف طویل عرصے تک میدان میں مخالف کپتان اور کوچ کے طور پر  ساتھ کام کرتے رہے ہیں بلکہ  کرکٹ مبصرین کے طور پر  بھی ساتھ کام کرچکے ہیں۔

پونٹنگ نے پروگرام میں انکشاف کیا کہ انہوں نے رواں برس کے آغاز میں  آئی پی ایل میں ساتھ کام کرنے کے دوران میک کلم سے انگلینڈ کی ملازمت کے بارے میں بات کی تھی۔

تاہم پونٹنگ نے ہنستے ہوئے بتایا کہ جب میک کلم نے آسٹریلیا کے سخت حریف انگلینڈ کی کوچنگ کی آفر قبول تو میرے اندر کا آسٹریلوی جاگ گیا اور میں نے انہیں مبارکباد نہیں دی۔

انہوں نے مزید کہا کہ میرے لیے انگلینڈ کو اتنا اچھا کھیلتے دیکھنا تھوڑا مشکل ہے۔