بھارت کی انڈر 17 خواتین فٹ بال ٹیم کے اسسٹنٹ کوچ الیکس ایمبروز کو جنسی ہراسانی کرنے پرعہدے سے برطرف کر دیا گیا۔

بھارتی میڈیا کی رپورٹس کے مطباق آل انڈیا فٹ بال فیڈریشن کی نگرانی کرنے والے سپریم کورٹ کے مقرر کردہ سی او اے کے رکن ایس وائی قریشی نے اس برطرفی کے حوالے میڈیا کو بتایا۔

ایس وائی قریشی نے کہا کہ بھارت خواتین انڈر 17 ٹیم کے اسسٹنٹ کوچ الیکس ایمبروز کو مبینہ بھارت، خواتین فٹ بال ٹیم کے اسسٹنٹ کوچ جنسی ہراسانی پر برطرف کر دیا گیا ہے۔

سابق بھارتی بین الاقوامی ایمبروز کو یورپ کے تربیتی اور نمائش کے دورے کے دوران ایک خاتون کھلاڑی کو جنسی ہراساں کرنے پر ناروے میں معطل کیا اور واپس بلا لیا گیا ہے۔

ایس وائی قریشی نے اپنے ایک ٹویٹ کیا کہ انڈر 17 خواتین کی ٹیم کے اسسٹٹ ہیڈ کوچ الیکس ایمبروز کو جنسی ہراسانی کے الزام میں برطرف کر دیا گیا ہے اور مزید کارروائی جاری ہے.

واضح رہے کہ بھارتی فٹ بال ٹیم  11 سے 30 اکتوبر تک بھارت میں ہونے والے فیفا انڈر 17 ویمنز ورلڈ کپ کی تیاریوں کے ایک حصے کے طور پر یورپ کا دورہ کر رہی ہے۔

آل انڈیا فٹ بال فیڈریشن کے معاملات کمیٹی آف ایڈمنسٹریٹرز کے سپرد ہیں جنہوں نے اس معاملے کو اسپورٹس اتھارٹی آف انڈیا کو آگاہ کر دیا ہے۔

بھارتی میڈیا کا کہنا ہے کہ ہیڈ کوچ تھامس ڈینربی واقعہ کے عینی شاہد تھے اور انہوں نے فوری طور پر فیڈریشن کو اس کی اطلاع دی، کیونکہ اس میں ایک نابالغ ملوث تھا۔

یاد رہے کہ انڈر 17 ورلڈ کپ کے میچ تین شہروں بھونیشور، گوا اور ممبئی میں ہوں گے۔

بھارت کو ٹورنامنٹ کے گروپ اے میں امریکہ، مراکش اور برازیل کے ساتھ رکھا گیا ہے۔

بھارت اپنی مہم کا آغاز پہلے دن امریکہ کے خلاف کرے گا، اس کے بعد بالترتیب 14 اور 17 اکتوبر کو مراکش اور برازیل کے خلاف میچ ہوں گے۔

بھارت کے گروپ مرحلے کے تمام میچز بھونیشور کے کلنگا اسٹیڈیم میں ہوں گے۔