پاک بھارت میچ سے قبل دونوں ملکوں کے کھلاڑیوں کی آپس میں ملاقاتیں جاری ہیں جب کہ گذشتہ روز بھارتی کھلاڑی انجری کے شکار شاہین شاہ سے خیریت دریافت کرنے پہنچ گئے۔
ٹی ٹوئنٹی ایشیاکپ 2022 کے لیے پاکستان اور بھارت سمیت 6 ٹیمیں دبئی پہنچ گئی ہیں اور اس دوران پاکستان اور بھارت کے کھلاڑیوں کی آپس میں ملاقاتیں بھی جاری ہیں۔
یہ بھی پڑھیں: کرکٹ کے دو بڑے نام ایک فریم میں، صارفین کے تبصرے
گذشتہ روز انجری کے شکار شاہین شاہ آفریدی جب آرام کررہے تھے تو بھارتی کھلاڑیوں نے ان سے ملاقات کی اور خیریت دریافت کی۔
https://twitter.com/TheRealPCB/status/1562861976602247168
ملنے والے کھلاڑیوں میں بھارت کے سابق کپتان اور اسٹار بیٹر ویرات کوہلی، یزویندر چاہال، کے ایل راہول، شریاس ایئر اور رشبھ پنٹ شامل تھے۔
بھارتی کھلاڑیوں نے شاہین شاہ آفریدی سے ان کی فٹنس کا پوچھا اور جلد ٹیم میں واپسی کے لیے نیک خواہشات کا اظہار کیا۔ علاوہ ازیں دونوں ملکوں کے کوچنگ اسٹاف کے درمیان بھی خوشگوار ملاقات ہوئی۔
واضح رہے کہ ایشیاکپ 2022 کا آغاز 27 اگست سے ہورہا ہے جب کہ ایونٹ کے لیے پاکستان ٹیم کو شاہین شاہ آفریدی کی خدمات حاصل نہیں تاہم وہ ری ہیب کے لیے ٹیم کے ساتھ موجود ہیں۔
یہ بھی پڑھیں: ایشیا کپ 2022: شاہینوں نے دبئی کے صحرا میں ڈیرا ڈال لیا
دوسری جانب 24 اگست کو کرکٹ کے دو بڑے نام بابر اعظم اور ویرات کوہلی کی ملاقات ہوئی تھی جس کو کرکٹ شائقین نے خوب سراہا تھا۔
Hello DUBAI 🇦🇪
Hugs, smiles and warm-ups as we begin prep for #AsiaCup2022 #AsiaCup | #TeamIndia 🇮🇳 pic.twitter.com/bVo2TWa1sz
— BCCI (@BCCI) August 24, 2022
دونوں کھلاڑیوں کی ملاقات کی ویڈیو سوشل میڈیا پر وائرل ہوگئی تھی جب کہ اس ویڈیو کو بھارتی کرکٹ بورڈ کے اکاؤنٹ سے شیئر کیا گیا تھا۔
خیال رہے کہ ایشیاکپ 2022 میں روایتی حریف پاک بھارت کا مقابلہ 28 اگست کو شام 7 بجے دبئی انٹرنیشنل اسٹیڈیم میں کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News