دبئی: اسپنر محمد نواز کہتے ہیں کہ ٹی ٹوئنٹی میں اسپنرز کے لئے آخری اوور کرانا آسان نہیں ہوتا۔

قومی کرکٹر محمد نواز کا آئی سی سی اکیڈمی گراؤنڈ میں میڈیا سے گفتگو کرتے ہوئے کہنا تھا کہ ٹی ٹوئنٹی میں اسپنرز کے لئے آخری اوور کرنا آسان نہیں ہوتا لیکن میں بھارت کے خلاف میچ میں پر اعتماد تھا۔

انہوں نے کہا کہ میچ کی صورت حال ایسی ہوگئی تھی کہ مجھے آخری اوور کرانا پڑا، یو اے ای میں اسپنرز پر بڑی اہم ذمہ داری عائد ہوتی ہے۔

انہوں نے مزید کہا کہ نسیم شاہ کو انجری کا سامنا نہیں ہے، انہیں کریمپس پڑے تھے۔ ٹیم کا مورال بلند ہے، آئندہ میچز میں بھی اچھی کارکردگی کا مظاہرہ دکھانے کی کوشش کریں گے۔

واضح رہے کہ پاکستان کرکٹ ٹیم کا آئی سی سی اکیڈمی گراؤنڈ میں ٹریننگ سیشن جاری ہے جس میں وکٹ کیپر و بیٹر محمد رضوان اور بیٹر فخر زمان شامل نہیں۔

https://twitter.com/TheRealPCB/status/1564983459008991232

محمد رضوان اور فخرزمان آرام کررہے ہیں جب کہ فاسٹ بولرز سمیت دیگر تمام کھلاڑی ٹریننگ سیشن میں شامل ہیں۔

دوسری جانب پاکستان ٹیم کے ہیڈ کوچ ثقلین مشتاق گھٹنے میں گیند لگنے کے باعث آج پریکٹس سیشن میں شرکت نہیں کررہے ہیں۔

یاد رہے کہ پاکستان ٹیم اپنا اگلا میچ جمعہ کو ہانگ کانگ کے خلاف کھیلے گی جس میں جیتنے والی ٹیم سپر فور مرحلے میں کوالیفائی کرے۔

اس سے قبل پاکستان ٹیم کو بھارت کے ہاتھوں 5 وکٹوں سے شکست کا سامنا کرنا پڑا تھا۔