افغان بولر سے جھڑپ، آصف علی پابندی سے بچ گئے

اعجاز وسیم باکھری

08th Sep, 2022. 09:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان بولر سے جھڑپ، آصف علی پابندی سے بچ گئے

افغان بولر سے جھڑپ کے بعد آصف علی پابندی سے بچ گئے ہیں تاہم ان پر صرف میچ فیس کا جرمانہ طے ہوا ہے۔

ذرائع کے مطابق پاکستانی بلے باز آصف علی اور افغان بولر فرید احمد میچ ریفری کے سامنے پیش ہوئے جب کہ دونوں کھلاڑیوں پر لیول ون کی خلاف ورزی ثابت ہوئی ہے۔

ذرائع کا کہنا ہے کہ آصف علی کل سری لنکا کے خلاف میچ کے لئے کلیئر قرار دے دیے گئے ہیں، آصف علی پر صرف میچ فیس کا جرمانہ طے ہوا ہے جب کہ آئی سی سی آئندہ 24 گھنٹوں میں جرمانے کا اعلان کرے گا۔

یہ بھی پڑھیں: آصف علی اور افغان بالر کی جھڑپ ہیٹ آف دی مومنٹ تھی، محمد یوسف

واضح رہے کہ گذشتہ روز پاکستان اور افغانستان کی ٹیموں کے درمیان ایشیاکپ سپر فور مرحلے کا میچ کھیلا گیا تھا جس میں پاکستان نے سنسنی خیز مقابلے کے بعد ایک وکٹ سے کامیابی حاصل کی تھی۔

میچ کے دوران آصف علی اور افغان بولر فرید احمد کے درمیان تلخ جملوں کا تبادلہ ہوا تھا، افغان بولر نے آصف علی کو آؤٹ کرنے کے بعد غیر شائستہ زبان استعمال کرتے ہوئے نازیبا اشارے کیے تھے۔

ردعمل میں آصف علی نے افغان بولر پر اپنا بلا اٹھایا تھا جب کہ اس دوران دونوں کھلاڑی بھی آمنے سامنے آگئے تھے۔

یہ بھی پڑھیں: افغانستان کی شکست پر افغان شائقین سیخ پا، پاکستانی شائقین پر کرسیاں برسا دیں

یاد رہے کہ پاکستان سے شکست کے بعد افغانستان کرکٹ ٹیم ایشیاکپ 2022 سے باہر ہوگئی ہے۔