فخر زمان اور شاہین شاہ کی فٹنس کے حوالے سے بڑی خبر سامنے آگئی

ویب ڈیسک

16th Sep, 2022. 12:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فخر زمان اور شاہین شاہ کی فٹنس کے حوالے سے بڑی خبر سامنے آگئی

لاہور: فخر زمان بحالی کے لیے جمعہ کو لندن روانہ ہوں گے جب کہ وہ ٹی ٹوئنٹی ایشیاکپ کے فائنل میں انجری کا شکار ہوئے تھے۔

پاکستان کرکٹ بورڈ نے فخر زمان کی بحالی کے لیے طبی ماہرین سے رابطہ کرلیا ہے جو ان کی بحالی کے لیے بہترین طبی دیکھ بھال فراہم کریں گے۔

یہ بھی پڑھیں: ٹی ٹوئنٹی ورلڈ کپ کے لیے قومی اسکواڈ کا اعلان، شان مسعود شامل

لندن میں قیام کے دوران پی سی بی فخر زمان کے لیے تمام متعلقہ لاجسٹک انتظامات کرے گا اور وہ پی سی بی کے ایڈوائزری پینل کی نگرانی میں رہیں گے۔

پی سی بی کے ایڈوائزری پینل میں ڈاکٹر امتیاز احمد اور ڈاکٹر ظفر اقبال شامل ہیں جو شاہین شاہ آفریدی کا بھی علاج کر رہے ہیں۔

پاکستان کرکٹ بورڈ کا اپنے بیانیے میں کہنا ہے کہ ’ہمیں خوشی ہے کہ شاہین شاہ آفریدی اپنی بحالی میں شاندار پیش رفت کر رہے ہیں اور امید ہے کہ وہ آئی سی سی مینز ٹی ٹوئنٹی ورلڈ کپ 2022 کے لیے وقت پر مکمل صحت یاب ہوجائیں گے‘۔

یہ بھی پڑھیں: ٹی ٹوئنٹی ورلڈ کپ اسکواڈ کا اعلان، محمد عامر کی تنقید

واضح رہے کہ پی سی بی نے ٹی ٹوئنٹی ورلڈ کپ 2022 کے لیے قومی اسکواڈ کا اعلان کیا ہے جس میں شاہین شاہ آفریدی بھی شامل ہیں جب کہ فخر زمان کو ریزرو کے طور رکھا گیا ہے۔