ٹی ٹوئنٹی میں تیسرے نمبر کے بہترین بلے باز سوریا کمار یادیو نے جنوبی افریقہ کے خلاف میچ میں 40 گیندوں پر 68 رنز کی ناقابل شکست اننگز کھیلی تھی۔
آسٹریلیا میں ٹی ٹوئنٹی ورلڈ کپ سپر 12 مرحلے کے میچز جاری ہیں جس میں گذشتہ روز بھارت اور جنوبی افریقہ کی ٹیموں کے درمیان مقابلہ ہوا۔
اس میچ میں بھارتی مڈل آرڈر بلے باز سوریا کمار یادیو نے ذمہ دارانہ بیٹنگ کا مظاہرہ کرتے ہوئے بھارتی ٹیم کو سہارا دیا اور 40 گیندوں پر 68 رنز کی اننگز کھیلی تھی۔
یہ بھی پڑھیں: سوریا کمار یادیو نے رضوان سے بڑا ریکارڈ چھین لیا
سوریا کمار یادیو کی اس اننگز نے سب کی توجہ اپنی جانب مبذول کروالی ہے جب کہ پاکستان کے سابق کپتان مصباح الحق نے انہیں ٹی ٹوئنٹی کا بہترین مڈؒل آرڈر بلے باز قرار دیا ہے۔
گذشتہ روز بھارت اور جنوبی افریقہ کے درمیان کھیلے گئے میچ پر تبصرہ کرتے ہوئے مصباح الحق نے کہا کہ ’میں نے اس طرح کی بیٹنگ نہیں دیکھی، وہ ٹی ٹوئنٹی کرکٹ میں بہترین مڈل آرڈر بلے باز ہیں‘۔
انہوں نے کہا کہ ’اس پچ پر اور میچ کی صورت حال کو دیکھتے ہوئے ایسی بولنگ کے خلاف 170 کے اسٹرائیک ریٹ سے رنز بنانا حیرت انگیز ہے‘۔
ان کا کہنا تھا ’میچ کو دیکھتے ہوئے ایسا لگ رہا تھا کہ انہیں معلوم ہے کہ گیند کہا آئے گی اور اسے کہاں مارا جاسکتا ہے‘۔
یہ بھی پڑھیں: ٹی ٹوئنٹی رینکنگ، بھارت کے سوریاکمار یادیو کی بڑی چھلانگ
علاوہ ازیں شعیب ملک نے بھی اس میچ پر تبصرہ کرتے ہوئے کہا کہ ’ان کی کامیابی اور مستقل مزاجی کی وجہ یہ ہے کہ انہوں نے اپنے کھیل میں تبدیلی نہیں کی، یہاں تک کہ جب وہ دو اننگز میں آؤٹ ہوتے ہیں تو ان کے کھیلنے کا انداز ایک جیسا ہوتا ہے‘۔
انہوں نے مزید کہا کہ سوریا کمار کنڈیشنز اور بولرز کا پہلے اچھی طرح سے جائزہ لیتے ہیں اور فیصلہ کرتے ہیں کہ کون سے شاٹس کام کرسکتے ہیں جب کہ وہ بولرز کے دماغ سے بھی کھیلنا جانتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News