کرائسٹ چرچ: پاکستان، نیوزی لینڈ اور بنگلادیش کے درمیان سہ فریقی سیریز کا آغاز 7 اکتوبر سے ہونے جارہا ہے جس کی آج چمچماتی ٹرافی کی رونمائی کردی گئی ہے۔

پاکستان، بنگلادیش اور میزبان ٹیم نیوزی لینڈ کے درمیان سہ فریقی سیریز کا آغاز بروز جمعہ 7 اکتوبر سے ہوگا جس کا افتتاحی میچ پاکستان اور بنگلادیش کی ٹیموں کے درمیان کھیلا جائے گا۔

سہ فریقی سیریز کے میچز کرائسٹ چرچ میں کھیلے جائیں گے جو کہ 14 اکتوبر تک جاری رہیں گے۔

سہ فریقی سیریز کا دوسرا میچ 8 اکتوبر کو پاکستان اور نیوزی لینڈ کے درمیان ہوگا جب کہ 9 اکتوبر کو نیوزی لینڈ اور بنگلادیش کی ٹیمیں مدمقابل ہوں گی۔

چوتھا میچ 11 اکتوبر کو نیوزی لینڈ اور پاکستان کے درمیان ہوگا جب کہ پانچواں میچ نیوزی لینڈ اور بنگلادیش اور چھٹا میچ پاکستان اور بنگلادیش کے درمیان کھیلا جائے گا۔ سہ فریقی سیریز کا فائنل 14 اکتوبر کو ہوگا۔

سہ فریقی سیریز کی ٹرافی کی رونمائی آج کردی گئی ہے جب کہ نقاب کشائی میں ٹیموں کے کپتانوں نے شرکت کی۔

ٹرافی کے ساتھ کپتان بابر اعظم اور بنگلایش کے کپتان نورالحسن جب کہ میزبان ٹیم کے کپتان کین ولیمسن نے تصاویر بنوائیں۔

تینوں کپتانوں نے ٹرافی کے ساتھ تصاویر کرائسٹ چرچ کے مختلف مقامات پر بنوائیں جب کہ ان تصاویر کو پاکستان کرکٹ بورڈ کے آفیشل ٹوئٹر اکاؤنٹ سے بھی شیئر کیا گیا۔

https://twitter.com/TheRealPCB/status/1577547244152176641?ref_src=twsrc%5Etfw%7Ctwcamp%5Etweetembed%7Ctwterm%5E1577547244152176641%7Ctwgr%5E5f693373d4fe4a6f2baf6d5b8d02f7bc95b09381%7Ctwcon%5Es1_&ref_url=https%3A%2F%2Fwww.express.pk%2Fstory%2F2382065%2F16

واضح رہے کہ سہ فریقی سیریز میں شرکت کے لیے قومی ٹیم گذشتہ روز نیوزی لینڈ پہنچی تھی جن میں 16 کھلاڑی اور 13 سپورٹ اسٹاف شامل تھے۔

https://twitter.com/TheRealPCB/status/1577237908502634496?ref_src=twsrc%5Etfw%7Ctwcamp%5Etweetembed%7Ctwterm%5E1577237908502634496%7Ctwgr%5Ed3356539af6c232bf16aeaa5b060a1d980be01c7%7Ctwcon%5Es1_&ref_url=https%3A%2F%2Fwww.bolnews.com%2Furdu%2Fsports%2F2022%2F10%2F815296%2F

قومی اسکواڈ میں شامل کھلاڑی آج ایک روز آرام کے بعد کل سے ٹریننگ کا آغاز کریں گے۔