پی ایس ایل 8 کے لیے کھلاڑیوں کی ڈرافٹنگ کی تاریخ کا اعلان

فیاض بخاری

23rd Nov, 2022. 04:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ایس ایل 8 کے لیے کھلاڑیوں کی ڈرافٹنگ کی تاریخ کا اعلان

پاکستان سپر لیگ (پی ایس ایل) سیزن 8 میں کھلاڑیوں کی ڈرافٹنگ 15 دسمبر کو کراچی میں منعقد ہوگی، ڈرافٹ کے مقام کا اعلان بعد میں کیا جائے گا۔

پی سی بی کی جانب سے جاری کردہ اعلامیے کے مطابق کھلاڑیوں کی ڈرافٹنگ کی تاریخ اور مقام کا فیصلہ تمام فرنچائزز کی رضامندی سے کیا گیا ہے۔

پی ایس ایل کے ڈائریکٹر عثمان واہلہ کا کہنا ہے کہ تمام ٹاپ کھلاڑیوں کی دستیابی پی ایس ایل 8 کو ایک اچھا ایونٹ بنائے گی۔

یہ بھی پڑھیں: پی ایس ایل 8؛ کس ٹیم نے کون سے کھلاڑی برقرار رکھیں ہیں

واضح رہے کہ ڈرافٹ کی مجوزہ تاریخ 18 نومبر تھی لیکن بورڈ حکام کی مصروفیات کی وجہ سے اس کا انعقاد نہیں ہوسکا تھا جب کہ پشاور میں ڈرافٹ منعقد کرنے کا منصوبہ تھا تاہم اس پر بھی عمل درآمد نہیں ہو سکا۔

بعد ازاں پی ایس ایل سیزن 8 کا ڈرافٹ مسلسل تاخیر کا شکار ہونے کے بعد کراچی میں 30 نومبر یا دسمبر کے پہلے ہفتے میں کروانے کی تجویز زیر غور تھی۔

یہ بھی پڑھیں: پی ایس ایل 8؛ ڈرافٹنگ کے لیے 433 غیر ملکی کھلاڑیوں کی آمادگی کا اظہار

یاد رہے کہ پی ایس ایل سیزن 8 آئندہ سال 9 فروری سے 19 مارچ کے دوران لاہور، ملتان، کراچی اور راولپنڈی میں منعقد ہوگا جس میں دفاعی چیمپئن لاہور قلندر اپنے ٹائٹل کا دفاع کرے گی۔