فیفا ورلڈکپ قطر: ابتدائی چار روز میں دوسری بڑی اپ سیٹ شکست

ویب ڈیسک

23rd Nov, 2022. 08:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیفا ورلڈکپ قطر: ابتدائی چار روز میں دوسری بڑی اپ سیٹ شکست

فیفا ورلڈکپ قطر میں گزشتہ روز سعودی عرب کے ہاتھوں ارجنٹائن کی ذلت آمیز شکست کی بازگشت ابھی تھمی بھی نہیں تھی کہ ایک اور بڑا اپ سیٹ ہوگیا۔

تفصیلات کے مطابق جاپان نے اپنے پہلے میچ میں چار بار کی فاتح جرمنی کو شکست دے کر فیفا ورلڈ کپ قطر کا دوسرا شاندار اپ سیٹ اپنے نام کر لیا ۔

آج ہونے والے دوسرے میچ میں جاپان نے ورلڈکپ فیورٹس کی فہرست میں شامل مضبوط حریف جرمنی کو 1-2 سے شکست دی۔

جرمنی کے الکائے گنڈگان نے 33ویں منٹ میں پینلٹی اسٹروک پر گول اسکور کرکے ٹیم کو برتری دلوائی جو پہلے ہاف کے اختتام تک برقرار رہی۔

دوسرے ہاف کا کھیل شروع ہوا تو ابتدائی 20 منٹ تک جرمنی کی برتری باقی رہی۔بعد ازاں جاپان نے صرف 8 منٹ میں 2 گول اسکور کرکے برتری حاصل کرلی جو میچ کے اختتام تک برقرار رہی۔

جاپان کے رٹسو ڈوان 75ویں منٹ میں جبکہ ٹکوما اسانو نے 83 ویں منٹ میں گول اسکور کرکے ٹیم کو فتح سے ہمکنار کروایا۔

واضح رہے کہ گزشتہ روز سعودی عرب نے ورلڈکپ کی فیورٹ لیونل میسی کی ارجنٹینا کو 1-2 سے شکست دی تھی جسے فٹبال شائقین اور ناقدین کی جانب سے فیفا ورلڈکپ کی تاریخ کا سب سے بڑا اپ سیٹ قرار دیا جارہا ہے۔