آسٹریلیا نے مچل اسٹارک اور ایڈم زیمپا کی تباہ کن بولنگ بدولت  انگلینڈ  کو دوسرے ون  ڈے میں بھی شکست دے دی۔

سڈنی میں کھیلے گئے میچ میں آسٹریلیا نے ٹاس جیت کر پہلے بیٹنگ کرنے کا فیصلہ کیا اور مقررہ 50 اوورز میں 8 وکٹوں کے نقصان پر 280 رنز بنائے۔

اسٹیو اسمتھ 94، مارنس لبوشین 58 اور مچل مارش 50 رنز بناکر نمایاں رہے۔

ٹریوس ہیڈ 19، ڈیوڈ وارنر 16، مارکس اسٹوئنس 13 رنز بناکر جبکہ ایلکس کیری اور مچل اسٹارک بغیر کوئی رن بنائے آؤٹ ہوئے۔ ایشٹن اگر 18 رنز بناکر ناٹ آؤٹ رہے۔

انگلینڈ کی جانب سے عادل رشید نے 3، کرس ووکس اور ڈیوڈ ویلی نے 2،2 جبکہ قائم مقام کپتان  معین علی نے ایک وکٹ حاصل کی۔

ہدف کے تعاقب میں انگلینڈ کی پوری ٹیم 39ویں اوور میں 208 رنز بناکر آل آؤٹ ہوگئی۔ سیم بلنگز 71 اور جیمز ونس 60 رنز بناکر نمایاں رہے۔

Australia ensure a series victory with another thumping win 👏

Watch the #AUSvENG ODI series LIVE on https://t.co/MHHfZPzf4H (in select regions) 📺

📝 Scorecard: https://t.co/C3d30LtqwI pic.twitter.com/YKAfDhghSz

— ICC (@ICC) November 19, 2022

فل سالٹ 23، لیام ڈوسن 20 ، معین علی 10 ، کرس ووکس 7   اور ڈیوڈ ویلی 6 رنز بناکر جبکہ جیسن روئے، ڈیوڈ ملان اور سیم کرن بغیر کوئی رن بنائے آؤٹ ہوئے۔

آسٹریلیا کی جانب سے مچل اسٹارک اور ایڈم زیمپا نے 4،4 جبکہ قائم مقام کپتان جوش ہیزل ووڈ نے 2 وکٹیں حاصل کیں۔

اننگز کے پہلے ہی اوور میں انگلینڈ کے دونوں ان فارم اوپنرز کو آؤٹ کرکے جیت کی بنیاد رکھنے والے مچل اسٹارک کو میچ کا بہترین کھلاڑی قرار دیا گیا۔