نیوزی لینڈ کے خلاف ون ڈے سیریز کے لیے پاکستان نے 21 رکنی ابتدائی اسکواڈ کا اعلان کردیا ہے۔

پاکستان اور نیوزی لینڈ کی ٹیموں کے درمیان 9 جنوری سے کراچی کے نیشنل بینک کرکٹ ایرینا میں ون ڈے سیریز کا آغاز ہونے جارہا ہے۔

دونوں ٹیموں کے درمیان تین میچز پر مشتمل سیریز کھیلی جائے گی جس کا پہلا مچ 9 جنوری، دوسرا 11 جنوری اور تیسرا 13 جنوری کو کھیلا جانا ہے۔

پاکستان نے ون ڈے سیریز کے لیے 21 رکنی ابتدائی اسکواڈ کا اعلان کیا ہے جس میں شرجیل خان اور شان مسعود کی واپسی ہوئی ہے۔

قومی ون ڈے اسکواڈ میں سرفراز احمد، خوشدل شاہ اور زاہد محمود کو نظر انداز کردیا گیا ہے جب کہ زخمی فاسٹ بولر شاہین شاہ آفریدی کو انجری کے باعث اسکواڈ کا حصہ نہیں بنایا گیا ہے۔

نیوزی لینڈ کے خلاف ون ڈے اسکواڈ

بابر اعظم (کپتان)، عبداللہ شفیق، ابرار احمد، عامر جمال، حارث رؤف، حسن علی، احسان اللہ، امام الحق، کامران غلام، محمد حارث اور محمد نواز شامل ہیں۔

21 probables announced for New Zealand ODIs

Read details here ➡️ https://t.co/Uj6A3o5OdE#PAKvNZ

— PCB Media (@TheRealPCBMedia) December 28, 2022

علاوہ ازیں محمد رضوان، محمد وسیم جونیئر، نسیم شاہ، قاسم اکرم، سلمان علی آغا، شاداب خان، شاہ نواز دھانی، شان مسعود، شرجیل خان اور طیب طاہر کو بھی اسکواڈ میں شامل کیا گیا ہے۔