اعلیٰ کارکردگی کا مظاہرہ کرنے والے تین نوعمر کھلاڑیوں کو سلیکشن کمیٹی نے قومی ٹیسٹ اسکواڈ میں شامل کرلیا ہے۔

تفصیلات کے مطابق جن نو عمر کھلاڑیوں کو قومی ٹیسٹ اسکواڈ میں شامل کیا گیا ہے، ان میں ملتان کے آل راؤنڈر عرفات منہاس، ڈیرہ مراد جمالی کے ٹاپ آرڈر بلے باز باسط علی اور فیصل آباد کے فاسٹ بولر محمد ذیشان شامل ہیں۔

عبوری سلیکشن کمیٹی کے سربراہ شاہد آفریدی کا کہنا ہے کہ تین کھلاڑیوں کی نیوزی لینڈ کے خلاف قومی ٹیسٹ اسکواڈ میں شمولیت کا مقصد ان کھلاڑیوں کی حوصلہ افزائی ہے۔

PCB Interim Selection Committee has added Arafat Minhas (Multan), Basit Ali (Dera Murad Jamali) and M.Zeeshan (Faisalabad) to the Pakistan Test squad with the objective of providing them international exposure and experience.

Read more details here: https://t.co/GsMNEcKRzp pic.twitter.com/YVLCUSkbiQ

Advertisement

— Pakistan Cricket (@TheRealPCB) December 27, 2022

انہوں نے کہا کہ تینوں نوجوان کھلاڑیوں کو آئندہ چند روز قومی ٹیسٹ اسکواڈ کے ہمراہ رکھنے کا فیصلہ کیا ہے جس سے انہیں بین الاقوامی کرکٹ کے دباؤ سے نبرد آزما ہونے کا موقع ملے گا۔

شاہد آفریدی کا مزید کہنا تھا کہ اگرچہ یہ تینوں کھلاڑی انتخاب کے لیے دستیاب نہیں ہوں گے لیکن فاسٹ ٹریک سے قومی ٹیسٹ اسکواڈ میں شمولیت سے انہیں اعلیٰ درجے کی کرکٹ سے متعلق مؤثر تجربہ ملے گا۔

واضح رہے کہ عرفات منہاس کو پاکستان جونیئر لیگ کا بہترین آل راؤنڈر قرار دیا گیا تھا جب کہ انہوں نے گوادر شارک کی جانب سے کھیلتے ہوئے 178 رنز اور نو وکٹیں حاصل کیں تھیں۔

دوسری جانب بہاولپور رائلز کے باسط علی کو پی جے ایل کا بہترین کھلاڑی اور بہترین بلے باز قرار دیا گیا تھا انہوں نے پی جے ایل میں سب سے زیادہ 379 رنز بنائے تھے۔

علاوہ ازیں انہوں نے نومبر میں بنگلہ دیش کے خلاف ملتان میں انڈر 19 سیریز میں بھی شرکت کی تھی جب کہ پی جے ایل میں باسط کے ساتھی ذیشان کو 14 وکٹوں کے ساتھ ٹورنامنٹ کا بہترین بولر قرار دیا گیا تھا۔