پاکستان نے نیوزی لینڈ کے خلاف ٹیسٹ سیریز میں اظہر علی کی جگہ کامران غلام کو اسکواڈ کا حصہ بنایا ہے۔
پاکستان اور نیوزی لینڈ کی ٹیموں کے درمیان 26 دسمبر سے ٹیسٹ سیریز کا آغاز ہونے جارہا ہے جس میں کامران غلام کو بھی اسکواڈ میں شامل کیا گیا ہے۔
پاکستان میں اس وقت سوشل میڈیا ٹرینڈز میں ’کامران غلام‘ کا ٹرینڈ بھی شامل ہے جس میں صارفین ان کے بارے میں جاننا چاہ رہے ہیں۔
یہ بھی پڑھیں: حارث رؤف نے کامران غلام کو کیچ ڈراپ کرنے پر تھپڑ رسید کردیا
کئی صارفین ایسے بھی ہیں جو ان کی سلیکشن پر بھی سوالات اٹھارہے ہیں اور انہیں ٹیم میں شامل کرنے کی وجہ جاننا چاہ رہے ہیں۔
کامران غلام کون ہیں؟
کامران غلام کا تعلق خیبر پختونخوا کے علاقے اپر دیر سے ہے اور پاکستان کی انڈر 19 ٹیم سمیت ایبٹ آباد فیلکنز اور خیبر پختونخوا کی ٹیم کے لیے بھی کھیلتے رہے ہیں۔
پی ایس ایل میں کامران ٖغلام اسلام آباد یونائیٹڈ اور لاہور قلندرز کی جانب سے بھی کھیل چکے ہیں جب کہ پی ایس ایل 8 میں بھی وہ لاہور قلندرز کی ہی نمائندگی کریں گے۔
کامران غلام صرف بیٹر ہی نہیں بلکہ الٹے ہاتھ سے اسپن بولنگ بھی کرتے ہیں جب کہ رواں سال قائد اعظم ٹرافی میں ان کے 597 رنز تھے۔
اگر ان کے فرسٹ کلاس کیریئر کی بات کی جائے تو انہوں نے اب تک 44 میچز کھیلے ہیں جس میں 10 سنچریاں اور 18 نصف سنچریاں اسکور کی ہیں، انہوں نے 47.36 کی اوسط سے 3268 رنز اسکور کیے ہیں۔
یہ بھی پڑھیں: میچ کے دوران کامران غلام کو تھپڑ ؛ حارث رؤف کی جان صرف ’تنبیہہ‘ سے ہی چھوٹ گئی
ڈومیسٹک ٹی ٹوئنٹی اور پی ایس ایل میچز میں انہوں نے اب تک 55 میچز میں 24.94 کی اوسط سے ایک سنچری اور تین نصف سنچریوں کی بدولت 948 رنز اسکور کیے ہیں۔
بولنگ میں کامران غلام نے 44 فرسٹ کلاس میچز میں 26 اور 55 ٹی ٹوئنٹی میچز میں 27 وکٹیں حاصل کی ہیں۔
واضح رہے کہ کامران غلام کو حال ہی میں ریٹائر ہونے والے سابق کپتان اظہر علی کی جگہ ٹیم میں شامل کیا گیا ہے جب کہ انہیں گذشتہ سال دورہ بنگلادیش کے موقع بھی اسکواڈ کا حصہ بنایا گیا تھا لیکن انہیں ایک میچ بھی نہیں کھلایا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News