راولپنڈی کرکٹ اسٹیڈیم میں کھیلے گئے پہلے ٹیسٹ کی پہلی اننگز میں انگلینڈ نے پاکستان کے خلاف 657 رنز کا پہاڑ کردیا ہے۔

پاکستان اور انگلینڈ کی ٹیموں کے درمیان راولپنڈی کرکٹ اسٹیڈیم میں ٹیسٹ سیریز کا پہلا میچ کھیلا جارہا ہے جس کی پہلی اننگز میں انگلینڈ کے بلے بازوں بے جارحانہ بیٹنگ کا مظاہرہ کیا ہے۔

انگلینڈ کے چار بلے بازوں نے سنچریاں اسکور کیں اور میچ کے پہلے دن ریکارڈ 500 رنز بنائے جب کہ انگلینڈ کے سابق کپتان جوئے روٹ پہلی اننگز میں زیادہ اسکور نہیں کرسکے۔

جوئے روٹ نے پہلی اننگز میں 31 گیندوں پر تین چوکوں کی مدد سے 23 رنز بنائے جس کے بعد وہ زاہد محمود کی گیند پر ایل بی ڈبلیو ہوگئے۔

جوئے روٹ کے والد میٹ روٹ اپنے بیٹے اور ٹیم کو سپورٹ کرنے کے لیے انگلینڈ بارمی آرمی کے ساتھ پنڈی اسٹیڈیم پہنچ گئے ہیں۔

Advertisement

Matt Root, father of Joe, has joined us in Pakistan 🇵🇰

He says Joe is loving it here!#PAKvENG pic.twitter.com/FXPYymWH3V

— England's Barmy Army 🏴󠁧󠁢󠁥󠁮󠁧󠁿🎺 (@TheBarmyArmy) December 2, 2022

واضح رہے کہ بارمی آرمی انگلینڈ کی مشہور کرکٹ شائقین کی نمائندگی کرنے والی تنظیم ہے جو برطانیہ اور بیرون ملک میں ہونے والے میچز کے لیے اپنے ممبرز کو ٹکٹ اور ٹورنگ کی سہولیات مہیا کرتی ہے۔

یاد رہے کہ پاکستان اور انگلینڈ کے درمیان تین ٹیسٹ میچز پر مشتمل سیریز کھیلی جارہی ہے جس کا دوسرا ٹیسٹ 9 تا 13 دسمبر ملتان اور تیسرا ٹیسٹ 17 تا 21 دسمبر کے دوران کراچی میں کھیلا جائے گا۔