پاکستان کرکٹ بورڈ کے چئیرمین رمیز راجہ نے بھارت میں ہونے والے ون ڈے ورلڈ کپ کے حوالے سے بڑا بیان دیا ہے۔

تفصیلات کے مطابق برطانوی خبر رساں ادارے کے ٹیسٹ میچ اسپیشل سے بات کرتے ہوئے رمیز راجہ نے اعلان کیا ہے کہ اگر پی سی بی سے 2023 کے ایشیا کپ کی میزبانی کے حقوق چھین لیے گئے تو پاکستان کرکٹ ٹیم آئندہ ون ڈے ورلڈ کپ سے دستبردار ہوسکتی ہے۔

انہوں نے کہا کہ میں آئی سی سی سے تھوڑا مایوس ہوں آئی سی سی کے ہاتھوں اس کے پاکستانی ٹیم کو سنگین نتائج کا سامنا کرنا پڑ سکتا ہے۔

پی سی بی چئیرمین رمیز راجہ نے نشاندہی کی کہ یہ بی سی سی آئی ہے جو اس گڑبڑ کا ذمہ دار ہے، جب جے شاہ نے اعلان کیا کہ بی سی سی آئی پاکستان کا سفر نہیں کرے گا تو پی سی بی نے اگلے سال بھارت میں ہونے والے ورلڈ کپ سے دستبردار ہونے کی دھمکی دے کر جواب دیا۔

پاک بھارت دو طرفہ سیریز کے حوالے سے رمیز راجہ نے کہا یہ یہاں کافی جذباتی موضوع ہے، اور یہ بحث بی سی سی آئی نے ایک طرح سے شروع کی تھی جس کا ہمیں جواب دینا پڑا۔

رمیز راجہ نے مزید کہا کہ ٹیسٹ کرکٹ کو پاکستان بمقابلہ بھارت کی ضرورت ہے۔

رمیز راجہ کا کہنا تھا کہ میں آئی سی سی سے تھوڑا مایوس ہوں حالانکہ آپ نے دیکھا کہ 90 ہزار شائقین نے میلبورن کرکٹ گراؤنڈ میں پاک بھارت میچ دیکھا تھا۔

رمیز راجہ نے فیفا کے صدر کی مثال دیتے ہوئے کہا کہ جب یہ بات فیفا کے صدر سے پوچھی گئی کہ امریکہ ایران سے کیوں کھیل رہا ہے کیونکہ ایران کے ساتھ خواتین کے حقوق کے حوالے سے بہت سارے مسائل ہیں۔

فیفا کے صدر نے فٹ بال کو اٹھایا اور کہا کہ اس سے بہت سارے مسائل حل ہو سکتے ہیں۔ رمیز راجہ نے برطانوی خبر رساں ادارے کے ٹیسٹ اسپیشل پروگرام میں کہا کہ کھیل کے ذریعے ہم قبائلی ذہنیت کا خیال رکھ سکتے ہیں۔ مجھے لگتا ہے کہ بلے اور گیند کو بات کرنے دو۔