کراچی ٹیسٹ پاکستان کے ہاتھ سے جاتا ہوا نظر آنے لگا، نیوزی لینڈ کی پوزیشن مضبوط

ویب ڈیسک

30th Dec, 2022. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی ٹیسٹ پاکستان کے ہاتھ سے جاتا ہوا نظر آنے لگا، نیوزی لینڈ کی پوزیشن مضبوط

کراچی ٹیسٹ کے پانچویں روز نیوزی لینڈ کی پوزیشن مضبوط ہوگئی ہے جب کہ پاکستان اپنی دوسری اننگز میں مشکلات کا شکار دکھائی دے رہا ہے۔

پاکستان اور نیوزی لینڈ کی ٹیموں کے درمیان کراچی کے نیشنل بینک کرکٹ ایرینا میں پہلا ٹیسٹ میچ جاری ہے جس کے پانچویں دن کا کھیل آج کھیلا جارہا ہے۔

یہ بھی پڑھیں: کراچی ٹیسٹ: کین ولیمسن کی ڈبل سنچری، نیوزی لینڈ نے 612 رنز پر اننگز ڈکلیئر کردی

کراچی ٹیسٹ کی پہلی اننگز میں پاکستان نے 438 رنز بنائے تھے جس کے جواب میں نیوزی لینڈ کی ٹیم نے 9 وکٹوں کے نقصان پر 612 رنز پر اپنی اننگز ڈکلیئر کردی تھی۔

بعد ازاں پاکستان نے 174 رنز کے خسارے سے اننگز کا آغاز کیا اور سات وکٹوں کے نقصان پر 220 رنز بنالیے ہیں جب کہ پاکستان نے 46 رنز کی برتری حاصل کرلی ہے۔

یہ بھی پڑھیں: کراچی ٹیسٹ میں رضوان کے کپتانی سنبھالنے کے بعد تنازع کھڑا ہوگیا

سعود شکیل 5 اور محمد وسیم جونیئر 9 رنز بناکر کریز پر موجود ہیں جب کہ نیوزی لینڈ کی اب بھی دوسری اننگز باقی ہے۔

واضح رہے کہ اگر پاکستان جلدی آؤٹ ہوکر بڑا ہدف دینے میں ناکام رہتا ہے تو نیوزی لینڈ باآسانی ہدف حاصل کرکے جیت اپنے نام کرسکتا ہے۔