پنڈی ٹیسٹ کی بیٹنگ وکٹ پہ تیسرے روز  کا آخری سیشن انگلش بولرز  کے نام رہا۔

چائے کے وقفے  کے بعد پاکستان نے 411 رنز 3 کھلاڑی آؤٹ سے کھیل کا آغاز کیا تو پہلے ہی اوور میں سعود شکیل  (37) اولی روبنسن کا شکار بن گئے۔

بعد ازاں وقفے وقفے سے وکٹ گرنے کا سلسلہ جاری رہا اور کھیل کے اختتام تک  بابر اعظم (136) سمیت مزید 3 کھلاڑی  آؤٹ ہوگئے۔

پاکستان  تیسرے سیشن میں صرف 88 رنز بناسکا۔ محمد رضوان 29 اور نسیم شاہ 15 رنز بناکر آؤٹ ہوئے۔

تیسرے روز کھیل کے اختتام تک پاکستان نے 7 وکٹوں کے نقصان پر 499 رنز بنالیے ہیں۔ آغا سلمان 10 اور زاہد محمود ایک رن بناکر کریز پر موجود ہیں۔

Centuries for @babarazam258, @ImamUlHaq12 and @imabd28 as we trail by 158 runs.#PAKvENG | #UKSePK pic.twitter.com/JN5iLdCzdL

— Pakistan Cricket (@TheRealPCB) December 3, 2022

اس سے قبل پاکستان نے  تیسرے روز بغیر کسی نقصان کے 181 رنز پر اننگز کا آغاز کیا  تھا۔ دونوں اوپنرز  نے گزشتہ روز والی کارکردگی برقرار رکھتے ہوئے سنچریز  اسکور  کی تھیں۔

امام الحق  121 اور عبداللہ شفیق 114 رنز بناکر آؤٹ ہوئے تھے جبکہ اظہر علی ایک بار پھر ناکام رہے  تھے اور صرف 27 نز بنا کر آؤٹ ہوگئے تھے۔

اس سے قبل پہلی اننگ میں انگلینڈ ٹیم 657 رنز بناکر آل آؤٹ ہوگئی تھی۔

انگلینڈ نے دوسرے روز 506 رنز 4 کھلاڑی آؤٹ پر کھیل کا آغاز کیا تو پہلے ہی اوور میں کپتان بین اسٹوکس نسیم شاہ کا شکار ہوگئے تھے۔

بعد ازاں وقفے وقفے سے انگلینڈ کی وکٹیں گرتی رہیں اور پوری ٹیم 657 رنز پر آل آؤٹ ہوگئی تھی۔

All out for 657 before lunch on Day 2.

Some batting performance.

Advertisement

Scorecard: https://t.co/kJ1HaRNJrj

🇵🇰 #PAKvENG 🏴󠁧󠁢󠁥󠁮󠁧󠁿 pic.twitter.com/9TfDcm4kWz

— England Cricket (@englandcricket) December 2, 2022

انگلینڈ کی جانب سے چار کھلاڑیوں نے سنچری اسکور کی تھی۔ ہیری بروک نے سب سے زیادہ 153 رنز بنائے، زیک کرولی 122، اولی پوپ 108 اور بین ڈکٹ 107 رنز بناکر آؤٹ ہوئے تھے۔

Advertisement

The FOUR centurions 💯#PAKvENG pic.twitter.com/QTZdbk9rOH

— England Cricket (@englandcricket) December 1, 2022

بین  اسٹوکس 41، اولی روبنسن 37، ول جیکس 30، جو روٹ 23، لیام لیونگ اسٹون 9 اور جیمز اینڈرسن 6 رنز بناکر آؤٹ ہوئے تھے جبکہ جیک لیچ 6 رنز بناکر ناٹ آؤٹ رہے تھے۔

پاکستان کی جانب سے زاہد محمود نے 4، نسیم شاہ نے 3، محمد علی نے 2 اور حارث رؤف نے ایک وکٹ حاصل کی تھی۔

واضح رہے کہ تین ٹیسٹ میچز کی سیریز کے پہلے میچ میں  مہمان ٹیم نے ٹاس جیت کر پہلے بیٹنگ کرنے کا فیصلہ  کیا  تھا اور پہلے ہی روز تاریخ ساز ریکارڈ قائم کردیا تھا۔

 انگلینڈ نے پہلے دن خراب روشنی کے باعث کھیل کے 15 اوورز قبل اختتام  تک 4 وکٹوں کے نقصان پر 506 رنز بنائے تھے جو ایک ورلڈ ریکارڈ ہے۔

ٹیسٹ کرکٹ کی تاریخ میں یہ پہلا موقع تھا جب کسی ٹیم نے ٹیسٹ میچ کے ابتدائی روز 500 کا ہندسہ عبور کیا۔

Are you not entertained!? 😉

🇵🇰 #PAKvENG 🏴󠁧󠁢󠁥󠁮󠁧󠁿 pic.twitter.com/R2gTwjo2Nv

— England Cricket (@englandcricket) December 1, 2022