ڈیبیو ٹیسٹ میں 5 وکٹیں لینے والے پاکستانی بولر

ویب ڈیسک

09th Dec, 2022. 02:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈیبیو ٹیسٹ میں 5 وکٹیں لینے والے پاکستانی بولر

ملتان ٹیسٹ میں ڈیبیو کرنے والے پاکستانی اسپنر ابرار احمد انگلینڈ کے خلاف دوسرے ٹیسٹ کی پہلی اننگز 5 وکٹیں حاصل کرنے والے 13 ویں پاکستانی بولر بن گئے ہیں۔

پاکستان اور انگلینڈ کی ٹیموں کے درمیان ملتان کرکٹ اسٹیڈیم میں دوسرا ٹیسٹ میچ جاری ہے جس کے پہلے دن کا کھیل آج کھیلا جارہا ہے۔

ملتان ٹیسٹ میں انگلینڈ نے ٹاس جیت کر پہلے بیٹنگ کرنے کا فیصلہ کیا اور پہلے کی طرح جارحانہ انداز اپناتے ہوئے اپنی اننگز کا آغاز کیا لیکن 24 سالہ پاکستانی اسپنر ابرار احمد نے ان کے خوابوں کو چکنا چور کردیا۔

یہ بھی پڑھیں: ملتان ٹیسٹ: ابرار احمد کا جادو چل گیا، انگلینڈ کی آدھی ٹیم پویلین لوٹ گئی

ابرار احمد کا جادو ایسا چلا کہ انگلینڈ کی آدھی ٹیم 180 رنز پر کھانے کے وقفے سے قبل ہی پویلین لوٹ گئی جب کہ ابرار احمد نے 13 اوورز میں 70 رنز دے کر 5 وکٹیں حاصل کیں۔

ابرار احمد پانچ وکٹیں حاصل کرکے پاکستانی بولرز کی ایلیٹ لسٹ میں شامل ہوگئے ہیں جب کہ وہ ڈیبیو ٹیسٹ میں 5 وکٹیں لینے والے 13 ویں بولر ہیں۔

عارف بٹ اپنے ٹیسٹ ڈیبیو میں پانچ وکٹیں لینے والے پہلے پاکستانی کھلاڑی تھے، انہوں نے 1964 میں آسٹریلیا کے خلاف 89 رنز کے عوض چھ وکٹیں حاصل کی تھیں۔

یہ بھی پڑھیں: ابرار احمد کا ٹیپ بال کرکٹ سے لے کر پاکستان کے لیے ٹیسٹ ڈیبیو کرنے تک کا سفر

محمد نذیر اور محمد زاہد وہ واحد پاکستانی بولر ہیں جنہوں نے ڈیبیو ٹیسٹ میں سات سات وکٹیں حاصل کیں تھیں۔ عارف بٹ، تنویر احمد اور بلال آصف نے چھ چھ وکٹیں حاصل کیں تھیں جب کہ مزید دیگر کھلاڑیوں نے اپنے ڈیبیو پر پانچ وکٹیں حاصل کی ہیں۔

پانچ وکٹیں لینے والے بولرز میں شاہد آفریدی، محمد سمیع، شبیر احمد، یاسر عرفات، وہاب ریاض، شاہد نذیر اور نعمان علی شامل ہیں۔